Навіны з‑за кратаў: што вядома пра журналіста году Аляксандра Манцэвіча

Пра ўмовы, у якіх утрымліваецца былы галоўны рэдактар, распавядае Радыё Свабода са спасылкай на  дасведчаную крыніцу.

«З лістоў ведаем, што ў камеры 8 чалавек. Гэта лепш, чым 12, як было ў Жодзіне. Быў прастыў, кашляў, але потым паведаміў, што пачуваецца лепей. Атрымлівае прадуктовыя перадачы. Усяму вітаміннаму рады», — кажа суразмоўца Свабоды.

Пакуль няма інфармацыі, ці выводзяць Аляксандра Манцэвіча на прагулкі.

«Гуляе ў даміно. Кажа, што бібліятэка працуе добра, тое, што просіць, прыносяць. Раней, яшчэ як быў у Жодзіна, на снежань яму выпісалі газету „Звязда“, але яго перавялі ў Баранавічы і перанакіраваць яе не атрымалася».

Аляксандр Манцэвіч — заснавальнік і галоўны рэдактар  незалежнай грамадска-палітычнай «Рэгіянальнай газеты» ў горадзе Маладэчна.

У 2023 годзе медыйшчык арыштаваны і асуджаны на 4 гады пазбаўлення волі. Асуджаны па крымінальным артыкуле, але па факце — за журналісцкую дзейнасць, за адстойванне і прасоўванне свабоды слова, свабоды выказвання меркаванняў. Праваабаронцы прызналі Аляксандра Манцэвіча палітвязьнем.

Спадар Манцэвіч віны не прызаў і перад прысудам выступіў са смелым апошнім словам.

Сёлета, 10 снежня, у міжнародны Дзень правоў чалавека, галоўны рэдактар «Рэгіянальнай газеты» быў уганараваны Прэміяй беларускай праваабарончай супольнасці ў намінацыі «Журналіст году – 2023».

Чытайце яшчэ:

Магілёўскага журналіста і блогера Алеся Сабалеўскага арыштавалі на 10 сутак

Беларусь згадваецца як адна з трох найбуйнейшых турмаў для журналістаў. «Рэпарцёры без межаў» падрыхтавалі сумную справаздачу

Супраць былых супрацоўнікаў светлагорскай ТРК «Ранак» распачалі крымінальную справу за стварэнне экстрэмісцкага фармавання. Каментар юрыста