На журналістаў украінскай службы Радыё Свабода напала ахова кума Уладзіміра Пуціна
8 лістапада 2017
Здымачная група перадачы «Схемы», супольнага праекту ўкраінскай службы Радыё Свабода і тэлеканалу «UA:Перший» зьбіралася 7 лістапада зняць прылёт украінскага палітыка Віктара Медзвядчука з Расеі ў аэрапорт «Жуляны» пад Кіевам, але сустрэла сілавы супраціў.
Віктар Медзвядчук. Фота — antikor.com.ua
«Людзі ў масках і балаклавах перашкаджалі нашай законнай журналісцкай дзейнасці. Білі локцямі, штурхалі, рабілі падножкі, у аператара двойчы выбілі камеру з рук. Нашае аўто з рэгістратарам заблакавалі каб перашкодзіць зняць прылёт самалёта Віктара Медзведчука з Расеі ў выхад з тэрміналу», – распавёў у Facebook журналіст «Схемаў» Міхаіл Ткач.
Медзвядчук – былы кіраўнік адміністрацыі прэзідэнта Украіны (2002–2005 гг), лідар прарасейскай арганізацыі «Украінскі выбар» і кум прэзідэнта Расеі Уладзіміра Пуціна. Удзельнік гуманітарнай рабочай падгрупы Трохбаковай кантактнай групы ў Менску.
Яшчэ ў 2016 годзе старшыня СБУ Васіль Грыцак заяўляў, што Медзвядчук у сувязі з гэтым перыядычна лётае на ўласным самалёце з Украіны ў Маскву, хоць праз агрэсію Расеі супраць Украіны дзейнічае забарона на прамыя авіяцыйныя зносіны паміж дзвюма краінамі.
@bajmedia
Фатограф The New York Times зрабіў здымак Трампа, на якім бачна траекторыя кулі. Ён расказаў, як гэта атрымалася
16.07.2024
Сотрудники общественных СМИ Польши отказываются покидать рабочие места после реорганизации
12.01.2024
У Казахстане не акрэдытавалі больш за 30 супрацоўнікаў «Радыё Свабода». Выданне звярнулася ў суд
01.02.2024
Сусветную прэмію ЮНЕСКА/Гільерма Кано атрымалі палесцінскія журналісты
03.05.2024
