На «Валадарцы» ўведзеныя новыя правілы прыёму медыцынскіх перадач для зняволеных

Паводле новых правілаў, толькі па пісьмовай просьбе вязня, лекар следчага ізалятара вызначыць неабходнасць і мэтазгоднасць атрымання медыцынскіх тавараў. Пасля атрымання дазволу вязень павінен адправіць поштай сваім сваякам заяву разам з пералікам і колькасцю неабходных тавараў. Толькі пасля атрымання такой заявы, родныя змогуць зрабіць медыцынскую перадачу. 

Лекі з сабой падчас этапавання браць нельга. Калі ў гэты час вязню неабходна прымаць медпрэпараты, іх будуць выдаваць з дазволу медыка.

«Медиазона. Беларусь» піша, што раней праваабаронцы паведамлялі пра інструкцыю дэпартамента выканання пакаранняў ад 29 красавіка, згодна якой, зняволеным у СІЗА дазволілі перадаваць толькі вітамінна-мінеральныя комплексы і інсулін замежнага вытворчасці. Іншыя лекі забаранілі адпраўляць бандэроляй, таму што нібыта «яны ёсць у наяўнасці» ў медчастцы.

Чытайце яшчэ:

Журналістка, якая працавала ў акупацыі: Аднакласнік з Беларусі казаў, што я хлушу, бо не могуць бамбіць Чарнігаў

«Святкаваць штосьці разам — гэта дужа істотна». Як выжываюць рэдакцыі ў розных краінах

«Незалежныя медыя перажываюць крах бізнэс-мадэлі, а грамадства падвяргае сябе самацэнзуры». Асноўнае са справаздачы Freedom House