На блогера Ігара Лосіка завялі крымінальную справу за арганізацыю масавых беспарадкаў
25 чэрвеня 2020
На затрыманага 25 чэрвеня адміністратара суполкі «РБ головного мозга» і фрылансэра-кансультанта Радыё Свабода Ігара Лосіка завялі крымінальную справу па артыкуле за арганізацыю масавых беспарадкаў, паведаміла Свабодзе жонка затрыманага Дарʼя Лосік.
Паводле крымінальнага артыкула 342 Ігару Лосіку пагражае да трох гадоў турмы.
Ігар Лосік знаходзіцца ў ізалятары часовага ўтрыманьня на завулку Акрэсьціна ў Менску.
«Патэлефанаваў дзяжурны сьледчы і распавёў, што далі дзяжурнага адваката», — напісала Свабодзе Дарʼя Лосік.
Ігара Лосіка затрымалі 25 чэрвеня пасьля ператрусу ў яго кватэры.
На канал «РБ головного мозга» падпісана 167 тысяч чалавек. Ён актыўна асьвятляе падзеі вакол маючых адбыцца выбараў прэзыдэнта Беларусі, у тым ліку апошнія затрыманьні падчас «ланцуга салідарнасьці» ў Менску і іншых гарадах 18 і 19 чэрвеня. На гэтых акцыях людзі патрабавалі вызваліць з‑пад варты кандыдата ў прэзыдэнты Беларусі Віктара Бабарыку і яго сына Эдуарда, а таксама відэаблогера Сяргея Ціханоўскага. Паводле праваабарончага цэнтру «Вясна», па краіне за чатыры дні было затрымана больш за 360 чалавек.
@bajmedia
Кіраўніка прыватнай гомельскай тэлекампаніі асудзілі ўжо другі раз, а ягоны намеснік прапаў без вестак
15.04.2024
Быў затрыманы Дзяніс Кур’ян. А Бонд і Грыбалёвай забаранілі займацца прафесіяй
08.11.2023
У Брэсце чыноўнікі азадачыліся, чаму людзі менш чытаюць дзяржаўныя газеты. Выйсце шукаюць у працы з блогерамі
26.01.2024
«Когда технология расширяется, она превращается из экстраординарной в обычную». Топ-менеджер Google обратился по случаю 25-летия компании
27.09.2023
