МЗС зноў ухіліўся ад адказу на пытанне, чаму «Белсату» не даюць акрэдытацыю
18 ліпеня 2018
Падчас онлайн-канферэнцыі на старонцы МЗС Беларусі ў Facebook, міністэрству задалі пытанне: чаму «Белсат» не можа атрымаць акрэдытацыю ў Беларусі? Прадстаўнікі МЗС нібыта не пачулі фармулёўкі пытанне, а ў адказ проста канстатавалі, што тэлеканал акрэдытацыі на сённяшні дзень не мае.
МЗС Беларусі не ўпершыню ўхіляецца ад адказу на гэтае пытанне. У траўні падчас экспертнага форму «Менскі дыялог» у гатэлі «Mariott» карэспандэнт тэлеканал «Белсат» запытала ў міністра замежных справаў Уладзіміра Макея, чаму МЗС не акрэдытоўвае «Белсат» у Беларусі. Калі гэтае пытанне прагучала, прэсавы сакратар адвёў міністра ад журналістаў. Не пачуўшы адказу, мы задалі пытанне Уладзіміру Макею ў другі раз.
«Звяртайцеся ў прэс-службу», – заявіў тады міністр.
Тэлеканал «Белсат» працуе з 2007 года, МЗС не дае дазволу на акрэдытацыю карэспандэнцкага пункта каналу ў краіне, а таксама на акрэдытацыю асобных журналістаў. Прычыну адмовы ведамства ніколі афіцыйна не агучвала. Рэпарцёраў «Белсату», а таксама фрылансэраў, якія з намі супрацоўнічаюць, затрымліваюць, судзяць і штрафуюць за працу без акрэдытацыі.
@bajmedia
Выклікалі на працу, а адвезлі ў РУУС — падрабязнасці затрымання аператара АНТ Антона Казельскага
23.05.2024
МУС прапанавала блакаваць «экстрэмісцкі кантэнт» яшчэ на этапе даследчай праверкі
06.09.2024
Раман Пратасевіч анансаваў сваё вяртанне ў вялікае блогерства
12.02.2024
«Рэжым старанна знішчае «чацвёртую ўладу» – бо першыя тры ён ужо падпарадкаваў сабе»: Святлана Ціханоўская – да дня свабоды прэсы
03.05.2024
