Міжрэгіянальны трэнінг па працы з сацыяльнымі сеткамі прайшоў на базе Лунінецкай філіі ГА “БАЖ”

Удзельнікі трэнінгу даведаліся як праверыць, ці праўдзівыя звесткі публікуюць пра сябе карыстальнікі сацыяльных сетак, ці патрэбная стратэгія і план прасоўвання ў SMM-мэнеджэра выдання. Не абмінулі пытанні пошуку інфармацыі і патрабаванняў для стварэння кантэнту ў найбольш папулярных сацыяльных сетках.

– На трэнінгу мы папрацавалі вельмі эфектыўна, даведаліся шмат новага, што можна прымяніць у працы журналіста і СМІ. Міжрэгіянальнае мерапрыемства – гэта яшчэ і добры абмен досведам, – адзначыў старшыня Лунінецкай філіі ГА “БАЖ” Андрэй Сыцін.