Мінскаму тэлеканалу аддалі плошчы музея, а таму нават пераехаць няма куды
3 снежня 2019
Тэлеканалу СТБ перадалі будынак у Мінску, дзе цяпер знаходзіцца філіял Музея прыроды і экалогіі. Раней па гэтым адрасе — вуліца Казінца, 117 — размяшчаўся кінатэатр "Электрон". Тэлеканал атрымаў нерухомасць "шляхам бязвыплатнай перадачы". Кошт будынка на 1 кастрычніка — каля 400 тысяч долараў.
Дырэктар філіяла Музея прыроды і экалогіі Ігар Куракевіч, чый будынак аддаюць СТБ, прызнаўся Еўрарадыё, што пакуль што шукае месца, у якое можна было б пераехаць:
«У гэтым будынку адбываліся выставы і размяшчаліся фонды нашага музея. На цяперашні момант мы шукаем новае памяшканне. Пакуль няма пэўнасці, куды музей пераедзе».
Як так атрымалася, што будынак дзейнага музея вырашылі бязвыплатна перадаць тэлеканалу? У Ігара Куракевіча няма адказу на гэтае пытанне.
Для чаго тэлеканалу цэлы будынак былога кінатэатра? Магчыма, СТБ збіраецца пакінуць тэлецэнтр на вуліцы Камуністычнай — «гняздо» дзяржаўных тэлевізійнікаў? Намеснік гендырэктара СТБ Кірыл Казакоў расказвае «Еўрарадыё», што гэта не так:
«Будынак нам далі для пашырэння прасторы для здымак. Плануем там што-небудзь запусціць».
Будынак філіяла музея павінны быць перададзены тэлеканалу да 31 снежня 2019 года. Пра гэта гаворыцца ў пастанове Саўміна № 817 ад 28 лістапада 2019 года за подпісам Сяргея Румаса. Рэалізоўваць пастанову будуць Міністэрства інфармацыі і Міністэрства культуры.
@bajmedia
Блогер Vadimati рассказал, что лежит в «онкологии»
05.08.2024
Чарговае папаўненне «экстрэмісцкага спісу»: газета «Вызваленне», YouTube «Брэсцкай газеты», TikTok «Вясны»
02.04.2024
У Берліне адбудзецца кінапаказ праекта VisiBYlity — пра жыццё i творчасць беларусаў у выгнанні
19.06.2024
На «Беларусьфільме» цалкам звольнілі кіраўніцтва студыі, якая здымала дакументальнае кіно
11.06.2024
