Міністэрства інфармацыі вынесла папярэджанні за “РБ” дзяржаўным “Вожыку” і “Наш край”
17 сакавіка 2015
Пра гэта гаворыцца ў пісьмовым адказе міністэрства прэсаваму сакратару ГА “БАЖ” Барысу Гарэцкаму.
Нагадаем, што ў лютым-сакавіку Мінінфармацыі вынесла афіцыйныя папярэджанні адразу шэрагу рэгіянальных недзяржаўных выданняў, звінаваціўшы іх у незаконным скарачэнні “РБ” замест “Рэспубліка Беларусь” у выходных дадзеных.
Між тым, падобныя скарачэнні журналісты заўважылі і ў выданнях, заснавальнікамі якіх выступаюць дзяржаўныя органы ўлады. У сувязі з гэтым прэс-сакратар ГА “БАЖ” напісаў у Міністэрства інфармацыі ліст, каб даведацца, ці рэагавала ведамства на такія факты.
Як вынікае з ліста намесніка міністра Уладзіміра Матусевіча, па стане на 16 сакавіка ў межах кантролю за выкананнем заканадаўства пісьмовыя папярэджанні вынесеныя часопісу “Вожык” і баранавіцкай газеце “Наш край”. Пра папярэджанне дзяржаўнай газеце «Рэспубліка», дзе таксама былі заўважаныя парушэнні, Міністэрства інфармацыі не паведамляе.
@bajmedia
