Мінінфармацыі абмежавала доступ яшчэ да пяці сайтаў

Як паведамляецца на сайце Мінінфармацыі, на падставе апавяшчэння Міністэрства ўнутраных спраў 22 лютага 2016 года Міністэрствам інфармацыі ў мэтах выканання патрабаванняў дэкрэта ад 28 снежня 2014 года №6 «Аб неадкладных мерах па супрацьдзеянні незаконнаму абароту наркотыкаў» і Закона Рэспублікі Беларусь «Аб сродках масавай інфармацыі» прынята рашэнне аб абмежаванні доступу да пяці інфармацыйных рэсурсаў, якія змяшчаюць матэрыялы, накіраваныя на незаконны абарот наркотыкаў.

Нагадаем, што ў 2015 годзе Міністэрства інфармацыі абмежавала доступ да 41 інфармацыйнага інтэрнэт-рэсурса.

Да 18 сайтаў меру ўжылі за распаўсюд інфармацыі, накіраванай на рэалізацыю наркатычных рэчываў. Два рэсурсы “адключылі” за табуяваную лексіку, пяць — за неналежную рэкламу лекаў, адзін — за прапаганду дзіцячай парнаграфіі, адзін — за распаўсюд інфармацыі, якая можа нанесці шкода нацыянальным інтарэсам, тры — за рэкламу алкагольных напояў, 11 — за распаўсюд экстрэмісцкіх матэрыялаў.

Да чатырох з заблакаваных летась сайтаў доступ быў адноўлены.

Абмежаванне доступу да сайтаў у Беларусі (табліца)