Міліцыянты забралі тэхніку з кватэры незалежнай журналісткі і праваабаронцы Тамары Шчапёткінай
13 лістапада 2020
Чатыры супрацоўнікі міліцыі прыйшлі ў кватэру Тамары Шчапёткінай у Бярозе а дзевятай раніцы 13 лістапада. Яны прад'явілі санкцыю пракурора на агляд жылога памяшкання. У выніку міліцыянты забралі з хаты журналісткі 2 ноўтбукі, тэлефон, 2 дыктафоны і фотаапарат.
Агляд кватэры працягваўся больш за тры гадзіны. Тамара Шчапёткіна кажа, што супрацоўнікі міліцыі патлумачылі ёй, што гэты агляд праводзіўся у межах праверкі паводле двух артыкулаў Крымінальнага кодэкса Беларусі — 188 і 189 (паклёп і абраза). Аднак сама журналістка пакуль дакладна не ведае у чым сутнасць справы і ў чым яе падазраюць.
“Мне патлумачылі, што гэта тычыцца нібыта размаляванага будынка ў Бярозе, у якім жыве супрацоўнік міліцыі, і нейкіх абразаў на адрас міліцыянта ў мясцовым чаце”, — распавяла Тамара Шчапёткіна і падкрэсліла, што не мае да гэтага ніякага дачынення.
Тамара Шчапёткіна вядомая як журналістка-фрылансер, праваабаронца. За працу без акрэдытацыі яе неаднойчы штрафавалі.
@bajmedia
Супраць журналіста і праваабаронцы Уладзіміра Хільмановіча распачалі крымінальную справу
02.12.2023
Толочинская районка «подправила» воспоминания 102-летней свидетельницы войны
04.03.2024
У Віцебску склалі петыцыю з патрабаваннем пакараць абласную газету за непраўдзівую статыстычную інфармацыю
03.04.2024
У «экстрэмісцкі» спіс Мінінфарма ўключылі Telegram-канал Валерыя Карбалевіча і іншыя інтэрнэт-рэсурсы
04.10.2024
