Старонкі ў Х Ганны Любаковай і Арцёма Шрайбмана сталі «экстрэмісцкімі»
5 верасня 2024
Cуд Цэнтральнага раёна Мінска прызнаў «экстрэмісцкімі» акаўнты ў Х (твітары) журналісткі Ганны Любаковай і аналітыка Арцёма Шрайбмана.
Адпаведныя рашэнні былі прынятыя 2 і 3 верасня 2024 года. Пра гэта сведчаць абнаўленні ў Рэспубліканскім спісе экстрэмісцкіх матэрыялаў.
«Гэта служыць для мяне напамінам быць больш актыўнай на X», — пракаментавала Ганна Любакова.
На яе акаўнт у гэтай сацсетцы падпісаныя больш за 140 тысяч чытачоў. Журналістка актыўна распавядае пра сітуацыю ў Беларусі для заходняй аўдыторыі.
На старонку Арцёма Шрайбмана ў Х падпісаныя амаль 17 тысяч чалавек.
Таксама ў спіс патрапілі старонкі ў твітары сястры Марыі Калеснікавай Таццяны Хоміч, дарадцы Святланы Ціханоўскай Дзяніса Кучынскага, прадстаўніка Народнай амбасады Беларусі ў Італіі Юліі Юхно.
@bajmedia
Дэпутат нямецкага Бундэстагу Робін Вагенер напісаў адкрыты ліст Ігару Лосіку
20.05.2024
Выклікалі на працу, а адвезлі ў РУУС — падрабязнасці затрымання аператара АНТ Антона Казельскага
23.05.2024
Інтэрпол выкрасліў Андрэя Гнёта са свайго «чырвонага спісу»
19.07.2024
Журналіста Уладзіміра Хільмановіча ўнеслі ў «экстрэмісцкі спіс» МУС
13.09.2024
