Лілія Ананіч: Падрыхтаваныя змены ва указ, што рэгулюе беларускі інтэрнэт

Паводле Ліліі Ананіч, на дадзены момант дапрацоўваюцца нормы заканадаўства, якія датычацца рэгулявання беларускай інтэрнэт-прасторы.

Нагадаем: паводле прэзідэнцкага ўказа №60 ад 1 лютага 2010 года «Аб захадах па ўдасканаленні выкарыстання нацыянальнага сегмента сеткі Інтэрнэт», адказнасць за змест размешчанай у інтэрнэце інфармацыі павінныя несці асобы, якія яе размясцілі (п.12).

Між тым, у адпаведнасці з унесенымі ў закон «Аб СМІ» зменамі (снежань 2014 г). за змест пакінутых карыстальнікамі каментароў цяпер нясе адказнасць уладальнік інтэрнэт-рэсурса. У часе анлайн-канферэнцыі 19 студзеня 2015 г. Лілія Ананіч падкрэсліла, што «орган дзяржаўнага кіравання… будзе выносіць уладальнікам рэсурсаў папярэджанне, калі ў каментарах змяшчаецца інфармацыя, распаўсюд якой забаронены законам, альбо наносіць шкоду дзяржаўным і грамадскім інтарэсам, альбо мае непраўдзівую, абразлівую інфармацыю”.