Лічбавы фотаархіў Veha запрашае дзяліцца сямейнымі фатаграфіямі

Беларусы могуць далучыцца да стварэння візуальнай гісторыі сваёй краіны.

Скрыншот: veha-archive.org

Незалежная ініцыятыва Veha, якая займаецца захаваннем архіўнай фатаграфіі Беларусі, просіць дасылаць фота з сямейных архіваў.

Шукаюць здымкі, зробленыя да 1980-га году на тэрыторыі сучаснай Беларусі, з пэўным сюжэтам:

• на фоне тканага дывана;
• вясельныя фота;
• пахавальныя фота;
• чалавек абдымае/сядзіць на дрэве;
• на фоне разбураных будынкаў.

Праект Veha ўжо больш за пяць гадоў збірае старыя здымкі. Гэта публічны адкрыты лічбавы фотаархіў, які мае на мэце стварыць альтэрнатыўны механізм захавання фрагментаў беларускай гісторыі — «той нябачнай гісторыі, якая рэдка трапляе ў падручнікі». На сённяшні дзень больш за 2 000 чалавек даслалі Veha фатаграфіі для пяці тэматычных калекцый.

Дасылаць фота можна на пошту archive.veha@gmail.com

Здымкі павінны быць адсканаваныя ў добрай якасці (мін. 2500 px) з подпісам (трэба пазначыць год, месца і каму належыць архіў).

Дасланыя фота будуць апублікаваныя на сайце Veha і, магчыма, у кнігах. Так архіўныя сямейныя фотыздымкі стануць часткай візуальнай гісторыі Беларусі.

«Вельмі падобныя абрады — кветкі і месца збора сваякоў». Выйшлі кнігі вясельнай і пахавальнай беларускай фатаграфіі