Лепельская раёнка пазбавілася рубрыкі пра гарадскія праблемы

Радзел «Карта гарадскіх праблем» на сайце лепельскай раёнкі некалькі гадоў стаяў пусты, піша «Віцебская Вясна». Пасля таго як праваабаронцы звярнулі на гэта ўвагу і прапанавалі для абнаўлення кантэнту паразмаўляць з мясцовымі жыхарамі, рэдакцыя «Лепельскага краю» адрэагавала сваеасаблівым чынам. Рубрыка пра гарадскія праблемы ўвогуле знікла.

Зараз «Віцебская Вясна» адзначае яшчэ адну недарэчнасць на сайце выдання. Нягледзячы на тое, што назва газеты напісана па-беларуску, на інтэрнэт-старонцы няма ніводнага ўласнага артукулу на роднай мове. Выключэнне — агульны для ўсіх мясцовых выданняў анонс «Адзіны дзень галасавання». Калі перайсці па спасылцы, адкрыюцца рускамоўныя матэрыялы. Амаль такая ж карціна і ў падрубрыцы «Бацькаўшчына».

Чытайце яшчэ:

«Юмор может работать как подорожник». Топ самых ярких сатирических проектов Беларуси

Аксана Колб сышла з пасады галоўнага рэдактара

Палітзняволенага журналіста Анджэя Пачобута пазбавілі перадачы і спаткання