Кіраўніка «Спутнік Малдова» затрымалі па справе аб крадзяжы мільярда даляраў
17 верасня 2019
Супрацоўнікі нацыянальнага цэнтра Малдовы па барацьбе з карупцыяй затрымалі 17 верасня кіраўніка інфармацыйнага агенцтва Sputnik Moldova Уладзіміра Новасадзюка, паведамляе Інтэрфакс.
Як заявілі «Інтэрфаксу» ў прэс-службе ведамства, Новасадзюк падазраецца ў дачыненні да дзеянняў групы асоб, якія прывялі да крадзяжу аднаго мільярда даляраў з банкаўскай сістэмы Малдавіі.
У цяперашні час затрыманы дае паказанні следчым.
Таксама стала вядома, што пры вобшуку ў Новасадзюка знайшлі «чорную касу», дзе ўказана, якія сумы ад прадстаўнікоў і структур прадпрымальніка Ілана Шора кіраўнік Sputnik Малдова атрымаў у якасці аплаты за запрашэнне ў эфіры і публікацыю меркаванняў «палітолагаў» і «экспертаў», якія падтрымлівалі Дэмпартыю. Новасадзюк пайшоў на супрацоўніцтва са следствам і дае паказанні.
Напярэдадні на 72 гадзіны былі затрыманыя двое дэпутатаў парламента Малдовы ад фракцыі партыі «Шора» Марына Таўбер і Рэгіна Апосталава. Раней з іх знялі дэпутацкую недатыкальнасць.
У 2014 годзе з трох малдоўскіх банкаў было незаконна выведзена за мяжу каля 1 млрд даляраў, што складала больш за 20% ВУП Малдавіі. У чэрвені 2017 года Ілан Шор быў прысуджаны да 7,5 года турэмнага зняволення, але ён да гэтага часу застаецца на волі, бо рашэнне суда ўступае ў сілу пасля разгляду ў Апеляцыйнай палаце.
@bajmedia
В Евросоюзе запретили РИА «Новости», «Российскую газету» и «Известия»
24.06.2024
Сотрудники общественных СМИ Польши отказываются покидать рабочие места после реорганизации
12.01.2024
Хакеры ўзламалі сайты некалькіх украінскіх СМІ
19.02.2024
Фотаздымак беларускай журналісткі трапіў на вокладку часопіса буйной авіякампаніі ЗША
13.03.2024
