Кіраўнік Слоніма хоча спагнаць са Святланы Калінкінай 50 тысяч рублёў за распаўсюд допіса NEXTA
26 верасня 2019
Кіраўнік Слоніма Генадзь Хоміч вырашыў пакараць яшчэ і шэраг выданняў, якія распаўсюдзілі допіс блогера Сцяпана Пуцілы. Той напісаў у сваім тэлеграм-канале Нехта, што чыноўніка, а пасля і яго жонку злавілі п’янымі за стырном. Афіцыйна інфармацыя так і не пацвердзілася.
Хоміч вырашыў звярнуцца ў суд. Яго інтарэсы прадстаўляе адвакат Марыя Колесава-Гудзіліна.
Хоміч хоча пакараць блогера Пуцілы і выданні, якія перадрукавалі інфармацыю.
Па інфармацыі «Нашай Нівы», пазовы пададзеныя супраць «Беларускага партызана», парталаў 21.by і bobruisk.ru (Вячэрні Бабруйск).
Адзначым, што адказнасць будзе несці фізічная ці юрыдычная асоба, на якую зарэгістраваны сайт. У выпадку з «Беларускім партызанам» — непасрэдна Святлана Калінкіна.
Хоміч хоча спагнаць з усіх па 50 тысяч беларускіх рублёў. Калі чыноўнік выйграе суд, то атрыманыя грошы абяцае перадаць Слонімскай бальніцы.
Галоўная рэдактарка «Беларускага партызана» Святлана Калінкіна паведаміла «Нашай Ніве», што пакуль абдумвае стратэгію далейшых дзеянняў:
«Так, Хоміч падаў у суд на нас. Адказаць канкрэтна, што будзем рабіць, пакуль не магу. Калі трэба, то пойдзем у суд».
@bajmedia
Затрыманага магілеўскага блогера Алеся Сабалеўскага перавялі ў СІЗА
15.01.2024
НАУ перадала ў МЗС Польшчы спіс для персанальных санкцый за міграцыйны крызіс. У ім — 26 прапагандыстаў
09.09.2024
Памёр выкладчык журфака БДУ. Пасля 2020 года ён даносіў на студэнтаў
27.11.2023
У Сенаце ЗША прадэманстравалі партрэты беларускіх палітзняволеных. У тым ліку двух супрацоўнікаў «Радыё Свабода»
11.01.2024
