Зрабіць Беларусь бачнай. Як нямецкі медыяпраект працуе з беларускай тэматыкай. Сустрэча з Інго Пэтцам — 30 студзеня, Вільня
20 студзеня 2024
Беларуская асацыяцыя журналістаў ладзіць у Вільні адкрытую сустрэчу з Інго Пэтцам — журналістам і рэдактарам, які ў нямецкім медыяпраекце dekoder адказвае за ўсё, што звязана з Беларуссю.
Запрашаем прадстаўнікоў беларускіх незалежных медыя, культурніцкай і грамадзянскай супольнасці. Мы ладзім даволі шмат мерапрыемстваў анлайн, таму ў гэты раз вырашылі запрасіць калег на сустрэчу менавіта афлайн.
Для калег з іншых гарадоў на сайце БАЖ абавязкова будзе канспект сустрэчы.
Калі, дзе:
- аўторак, 30 студзеня, 18.00;
- Гасцёўня нашых партнёраў Беларускай Рады культуры (Vilnius, Šv. Ignoto g.5).
Пагаворым пра тое:
- як нямецкія СМІ (не)асвятляюць беларускае пытанне;
- чаму аўдыторыі нямецкамоўных краін варта больш ведаць пра Беларусь і лепей яе разумець;
- як працуе dekoder — унікальны медыяпраект, які ва ўмовах дэфіцыту інфармацыі пра Беларусь устойліва трымае ў фокусе беларускую павестку;
- чаму ўсё гэта так важна для беларусаў.
Уваход вольны, але просім зарэгістравацца, каб мы ведалі, колькі гасцей чакаць.
РЭГІСТРАЦЫЯ НА СУСТРЭЧУ
Інго Пэтц — як журналіст і публіцыст займаецца Усходняй Еўропай (і асабліва Беларуссю) больш за 25 гадоў. Акрамя журналісцкай дзейнасці, ён арганізоўваў канцэрты для беларускіх музыкаў і літаратурныя чытанні для беларускіх пісьменнікаў. Удзельнічаў у адукацыйных журналісцкіх праектах у Беларусі і Ўкраіне.
Анлайн-платформа dekoder.org — гэта мост паміж нямецкімі і незалежнымі расійскімі і беларускімі СМІ, а таксама гайд па грамадскіх дыскусіях у гэтых краінах.
@bajmedia
Тыктокерка Жанна Лаўрова на волі
26.03.2024
Еўрапейскія дыпламаты напісалі лісты зняволеным беларускім журналістам
03.05.2024
Сотрудники общественных СМИ Польши отказываются покидать рабочие места после реорганизации
12.01.2024
«Репортеры без границ» запустили пакет спутниковых каналов для вещания независимых СМИ, он будет доступен и в Беларуси
06.03.2024
