Вакансія ў арганізацыі «ІншыЯ» (дэдлайн — 8 ліпеня)

«ІншыЯ» шукаюць таргетолага ці таргеталагіню (ads-man­ag­er), якія дапамогуць зрабіць больш бачнай дзейнасць арганізацыі. 

Калі вы падзяляеце скразныя каштоўнасці, палітыку супрацоўніцтва арганізацыі і маеце адпаведныя скілы і досвед, то дасылайце рэзюме на info@theothersby.org

Што прапануюць: 

• Частковая (гнуткая) занятасць.
• Дыстанцыйная праца. Таксама ёсць магчымасць працаваць у офісе арганізацыі ў Вільні.
• Экалагічная камунікацыя ўнутры каманды.
• Клопат і ўвага да ментальнага здароўя каманды.
• Магчымасць уплываць на бачнасць арганізацыі і яе тэм у публічнай прасторы.

Абавязкі: 

• Падрыхтоўка рэкламных кампаній (адаптацыя існуючых тэкстаў і візуалаў) для прасоўвання мерапрыемстваў і прадуктаў арганізацыі (артыкулы, пасты, падкаст і г.д.).
• Праца з наладамі рэкламы Meta і Google.
• Забеспячэнне своечасовасці запуску рэкламы.
• Запуск і суправаджэнне рэкламных кампаній.
• Аналітыка ходу рэкламных кампаній, занясенне змен.
• Аптымізацыя рэкламных бюджэтаў.
• Падвядзенне вынікаў рэкламных кампаній.
• Па неабходнасці удзел у тэматычных сазвонах каманды (па дамоўленасці з мэнэджаркай праекта і камандай).
• Аператыўная камунікацыя ў працоўных каналах Slack у абумоўлены працоўны час.
• Вядзенне аўтаматычнага ўліку працоўнага часу ў Clock­i­fy.
• Азнаямленне і выкананне ўнутраных дакументаў арганізацыі, якія рэгулююць яе працу.

Больш падрабязна пра вакансію — па спасылцы.

Як адгукнуцца на вакансію

Трэба да 8 ліпеня 2024 года (панядзелак) уключна даслаць:

• рэзюмэ (або апісанне адукацыі і досведу працы ў свабоднай форме, уключаючы досвед працы ў НДА);
• суправаджальны ліст (чаму вам хочацца працаваць на гэтай пасадзе) на пошту info@theothersby.org з тэмай ліста «Вакансія таргетолаг_іні».