«Беларускія медыі. Якасць кантэнту і пытанні самарэгулявання». 10 верасня ў Вільні пройдзе канферэнцыя, прысвечаная працы беларускіх медыяў

У межах канферэнцыі пройдзе ўзнагароджанне пераможцаў традыцыйнага творчага конкурсу «Вольнае слова».

Вільня, верасень 2023 года. Фота: БАЖ

10 верасня Беларуская асацыяцыя журналістаў запрашае калег на канферэнцыю, прысвечаную працы беларускіх медыяў. У фокусе канферэнцыі пытанні захавання якасці медыяпрадукту ў складаных умовах працы, а таксама этычнае самарэгуляванне галіны.

Папярэдняя праграма канферэнцыі

11:00 Вітальны выступ арганізатараў:

- Андрэй Бастунец, старшыня Беларускай асацыяцыі журналістаў,
— Мая Север, прэзідэнтка Еўрапейскай федэрацыі журналістаў.

11:15 Панэль 1. «Як медыі могуць захоўваць якасць медыяпрадукту, нягледзячы на складаныя ўмовы».

Мадэратар: Барыс Гарэцкі, Беларуская асацыяцыя журналістаў.

Спікеры і спікеркі:

• Надзея Белахвосцік, галоўная рэдактарка праекта Medi­aIQ.
• Аляксандр Ярашэвіч, сузаснавальнік медыя «Бюро».
• Андрэй Шаўлюга, «Радыё Свабода».
• Ірына Новік, Hrodna.life.
• Марыя Садоўская-Камлач, Free Press for East­ern Europe.

13:00 Панэль 2. «Пытанні стварэння і дзейнасці новага органа самарэгулявання беларускага медыясектара».

Мадэратар: Алег Агееў, Беларуская асацыяцыя журналістаў.

Спікеры і спікеркі:

• Дайнюс Радзявічус, Саюз журналістаў Літвы.
• Вольга Сямашка, журналістка.
• Ёанна Шыманьска, Arti­cle 19.

14:30 Цырымонія ўзнагароджання лаўрэатаў конкурсу «Вольнае слова».

РЭГІСТРАЦЫЯ

Для ўдзелу ў канферэнцыі БАЖ запрашае калег і каляжанак зарэгістравацца да 6 верасня ўключна.

Пацверджаныя ўдзельнікі і ўдзельніцы атрымаюць падрабязную інфармацыю ад арганізатараў на пазначаную электронную пошту.

Арганізатары конкурсу «Вольнае слова» ўжо звязаліся з аўтарамі, чые працы ўвайшлі ў шорт-ліст. Ім асобна рэгістравацца на дадзеную падзею не трэба.

Арганізатары не маюць магчымасці забяспечыць праезд і пражыванне ўдзельнікаў і ўдзельніц з іншых гарадоў, таму калегам варта разлічваць на ўласныя магчымасці.