Стыпендыі для СМІ на асвятленне праблем бяспекі і траўматызму (да 25 ліпеня)
18 ліпеня 2016
Міжнародныя цэнтр для журналістаў (ICFJ) пры падтрымцы Сусветнай арганізацыі аховы здароўя (WHO) прымае заяўкі журналістаў на ўдзел у стыпендыяльнай праграме па асвятленні пытанняў бяспекі.
Праграма ўключае наведванне 12‑й Сусветнай канферэнцыі па папярэджванні траўматызму і спрыянні бяспецы, якая пройдзе ў фінскім горадзе Тамперэ 18–21 верасня 2016 года.
Кандыдаты мусяць валодаць ангельскай мовай.
Арганізатары набіраюць 12 журналістаў, якія спачатку наведаюць семінар па прафілактыцы траўматызму (17–18 верасня 2016 года), а потым будуць асвятляць канферэнцыю па бяспецы. Прымаючы бок аплочвае ўсе выдаткі, звязаныя з удзелам у праграме (пражыванне, рэгістрацыйны ўнёсак, дарога і да т.п.).
Суіскальнікі маюць прэзентаваць задуму журналісцкага праекта, які прысвечаны праблемам бяспекі і траўматызму і мусіць быць распрацаваны на падставе матэрыялаў з уласнай краіны. Выкарыстанне лічбавых інструментаў або/і дадзеных у медыяпраекце абавязкова.
Дэдлайн — 25 ліпеня 2016 года. Падрабязная інфармацыя — тут.
@bajmedia
Журналісты «Люстэрка» расказалі пра нябачны бок працы
12.08.2024
Аляксей Дзікавіцкі: Бясконца рабіць прадукт таннейшым не атрымаецца, інакш будзе пародыя
20.03.2024
Змогуць выжыць толькі буйныя гульцы? Беларускія журналісты ў Беластоку пагутарылі пра дасягненні і «факапы» 2023 года
27.12.2023
Хто быў сапраўдным бацькам радыё? Адказвае эксперт
13.02.2024
