SMM-рэдактар на YouTube-каналы «Жыццё-маліна» і «Загляне сонца»

У каманду YouTube-шоу «Жыццё-маліна» і «Загляне сонца» патрабуецца SMM-рэдактар для вядзення супольнасці ў YouTube, а таксама сацыяльных сетак праекта ў Tik­Tok, Face­book.

Абавязкі:

• напаўненне суполак праектаў «Жыццё-маліна» і «Загляне сонца» ў сацыяльных сетках жывымі і яркімі пастамі (Tik­Tok, Face­book, супольнасць у YouTube);
• пошук і вытворчасць забаўляльнага мэдыякантэнту;
• вытворчасць карцінак, мемаў, відэа і іншых відаў кантэнту;
• праца з кам’юніці іншых сяброўскіх YouTube-праектаў.

Патрабаванні:

• разуменне прынцыпаў працы сацыяльных сетак: Insta­gram, Tik­Tok, YouTube;
• жаданне развівацца ў SMM;
• уменне працаваць з простай графікай і відэа;
• жаданне рабіць якасны прадукт для беларусаў;
• безумоўна, пісьменная беларуская і руская мовы;
• несумненна, добрае пачуццё гумару.

Умовы:

• магчымасць грунтоўна прапампаваць свае веды па SMM і тут жа прымяніць іх на практыцы на вялікую аўдыторыю;
• вялікае поле для эксперыментаў;
• крэатыўны калектыў, амбітныя задачы;
• аддаленая праца;
• сумеснае абмеркаванне выніковага памеру кампенсацыі.

Рэзюмэ дасылайце на info@digitalmediahub.online з тэмай «SMM-рэдактар».