Штогадовы конкурс ГА «БАЖ» на атрыманне дыплома «За адданасць прафесіі» (да 1 верасня)

Намінанта на дыплом «За адданасць прафесіі» (журналіста, выдаўца ці распаўсюдніка СМІ) можа вылучыць любая суполка ГА «БАЖ» альбо прэтэндэнт вылучыцца самастойна.

Для гэтага трэба падаць у Гомельскую філію ГА «БАЖ» (e‑mail: anatolivanavich@gmail.com; fax 80232 334875) нарыс, артыкул, карэспандэнцыю альбо рэпартаж, якія выклікалі грамадcкі рэзананс.

У заяўцы трэба ўказаць, у якім СМІ яны былі змешчаны і калі, зрабіць спасылку на публікацыю. Указваюцца таксама імя, імя па бацьку, прозвішча намінанта, род яго занятку. Заяўкі прымаюцца да 31 жніўня 2017 года. Вынікі будуць падведзены да 8 верасня – Міжнароднага  дня салідарнасці журналістаў.

Конкурс «За адданасць прафесіі»  Гомельскай філіяй ГА «БАЖ» быў запачаткаваны ў 2009 годзе на знак памяці журналіста і выдаўца Уладзіміра Вербавікова.

У папярэднія гады дыпломамі “За адданасць прафесіі” ўганароўвалі незалежных журналістаў Таццяну Бублікаву і Алега Ражкова, Ларысу Шчыракову, Анатоля Санаценку, Мікалая Бянько і Юлю Сівец, Аляксандра Баразенку, Андрэя Павука.

Мэты конкурсу:
— Адзначыць і зрабіць вядомымі грамадскасці выдаўцоў, рэдактараў, журналістаў, карэспандэнтаў, аператараў, фатографаў, распаўсюднікаў друкаваных СМІ, якія сумленна працуюць, нягледзячы на перашкоды.
— Выказаць падтрымку і салідарнасць з калегамі, якія пацярпелі ад уціску і дыскрымінацыі на прафесійнай глебе і праявілі мужнасць, адстойваючы свае правы на прафесійную дзейнасць.