«Школа маладога пісьменніка» абвяшчае набор на новы навучальны год (дэдлайн 25 кастрычніка)

Школа працуе як нефармальны адукацыйны праект для дарослых. Выкладчыкі школы прэзентуюць асновы тэорыі прозы, паэзіі і паэтычнага перакладу; методыка выкладання ставіць акцэнт на камунікацыі і ўзаемным абмеркаванні тэкстаў з калегамі.

Акрамя практычных заняткаў з пастаяннымі выкладчыкамі, па праграме навучання прадугледжаны лекцыі і майстар-класы запрошаных навукоўцаў і аўтараў.

Навучанне працягваецца з лістапада 2022 г. па травень 2023 года. Заняткі будуць праходзіць па суботах.

Навучанне — бясплатнае, дыстанцыйнае, вочнае — on-line сустрэчы.

Правілы афармлення заяўкі

Узрост удзельнікаў і ўдзельніц — да 35 гадоў.

Заяўка павінны ўключаць:

1) уласны мастацкі тэкст любога жанру на беларускай альбо рускай мове аб’ёмам 2–5 старонак;

2) матывацыйны ліст з адказам на пытанне, чаму вы хочаце вучыцца ў Школе;

3) спіс з 5–10 кніг ці прозвішчаў аўтараў, якія на вас паўплывалі найбольш.

Вашыя ўзоры твораў, матывацыйны ліст і спіс кніг дасылайце на паштовую скрыню shkolapismennika2022@gmail.com разам адным файлам у фармаце .doc.

Тэма ліста: Школа 2022–2023

На першай старонцы файла абавязкова пазначце сваё імя і прозвішча, адрас пражывання, дату нараджэння, e‑mail і кантактны нумар тэлефона.

Файл назавіце лацінкай наступным чынам ― «вашае прозвішча, ніжняе падкрэсліванне, вашае імя», напрыклад: Pashkevich_Alaiza.doc

Заяўкі не рэцэнзуюцца. Прыём паводле конкурсу!

Колькасць месцаў абмежаваная, адбор прэтэндэнтаў адбываецца паводле матывацыйных лістоў і ўзору твораў. Пра вынікі прыёмнай кампаніі будзе паведамлена ў паштовай рассылцы на адрасы, пададзеныя ў заяўках.

Дэдлайн дасылкі заявак — 25 кастрычніка 2022 г. Падвядзенне вынікаў — 1 лістапада 2022 г. Залічаныя на курс Школы атрымаюць лісты з пацвярджэннем залічэння на e‑mail.

Па ўсіх пытаннях пішыце  shkolapismennika2022@gmail.com ці на старонцы школы ў Face­book. 

Чытайце яшчэ:

Трымаюцца бадзёра, не губляюць надзеі: сабралі навіны ад калег-палітвязняў

Telegram дазваляе «зліваць» асабістыя звесткі дысідэнтаў па ўсім свеце. Вось як гэта адбываецца

Урад ЗША прывітаў вызваленне Алега Груздзіловіча