Рэгіянальная стыпендыя для беларускіх журналістаў ад «Радыё Свабода» (дэдлайн — 1 ліпеня)

Адкрыты прыём заявак на Рэгіянальную журналісцкую стыпендыю «Радыё Свабодная Еўропа/Радыё Свабода» (RFE/RL Region­al Report­ing Fel­low­ship) на 2024–2025 акадэмічны год. 

Фота: Almaz Isman Kalet (RFE/RL)

Праграма стыпендыі

Беларускія стыпендыяты правядуць восем месяцаў у рэгіянальным бюро «Радыё Свабодная Еўропа/Радыё Свабода» ў Вільні. Тут яны пройдуць навучанне, зробяць унёсак у штодзённую працу службы, атрымаюць ментарства ад дасведчаных калег. Падчас другой паловы праграмы стыпендыяты правядуць два тыдні ў штаб-кватэры «Радыё Свабодная Еўропа/Радыё Свабода» ў Празе, каб прайсці дадатковую падрыхтоўку.

Стыпендыяты будуць атрымліваць штомесячную стыпендыю на працягу тэрміну праграмы, якая адпавядае мясцовай шкале заработнай платы, працоўнае месца ў бюро «Радыё Свабодная Еўропа/Радыё Свабода».

• Тэрмін стыпендыі — з 1 лістапада 2024 г. па 30 чэрвеня 2025 г.
• Дэдлайн падачы заявак —  1 ліпеня 2024 г.
• Абвяшчэнне вынікаў адбору — да 31 жніўня 2024 г.

Патрабаванні да кандыдатаў:

• мець журналісцкую або сумежную адукацыю;

• мець не менш за два гады досведу працы ў журналістыцы;

• падзяляць місію «Радыё Свабодная Еўропа/Радыё Свабода»;

• валоданне англійскай мовай не чакаецца, але пажадана практычнае яе веданне.

У выпадку Беларусі могуць падаваць заяўкі толькі журналісты, якія цяпер пражываюць за межамі краіны.

Як падаць заяўку

Поўная заяўка павінна ўключаць наступныя матэрыялы:

• рэзюмэ,

• матывацыйны ліст,

• 2 узоры працы.

Матэрыялы заяўкі павінны быць напісаныя на мове роднай краіны, але неабходна падаць копію рэзюмэ на англійскай мове.

ПАДАЦЬ ЗАЯЎКУ

З кандыдатамі, якія ўвойдуць ў кароткі спіс, звяжуцца і папросяць узяць удзел у тэлефонным, онлайн- або асабістым інтэрв’ю.

Падрабязная інфармацыя тут.