Прэмія імя Ганны Паліткоўскай і Армана Сольдэна за журналісцкую мужнасць (дэдлайн — 30 жніўня)

МЗС Францыі праводзіць конкурс на прысуджэнне прэміі імя Ганны Паліткоўскай і Армана Сольдэна за мужнасць у журналістыцы.

Фота: diplomatie.gouv.fr

Гэта ўзнагарода для журналістаў, фота- і відэакарэспандэнтаў, прыхільных сваёй місіі па прадастаўленні інфармацыі, асабліва ва ўмовах крызісу ці канфлікту. Прэмія будзе ўручана ў пачатку лістапада 2024 года — у Міжнародны дзень спынення беспакаранасці за злачынствы супраць журналістаў.

Пераможца атрымае 10 000 еўра на фінансаванне праекта.

Гэтай прэміяй Францыя пацвярджае сваю нязменную прыхільнасць да абароны свабоды прэсы. Конкурс прысвечаны дзвюм знакавым фігурам, якія сталі ўвасабленнем журналісцкай мужнасці і былі забітыя пры выкананні сваёй працы. Гэта расійская журналістка Ганна Паліткоўская, чые расследаванні ў «Новой газете» на тэму карупцыі, парушэнняў правоў чалавека і чачэнскай вайны каштавалі жыцця ёй і шасці яе калегам. А таксама франка-баснійскі журналіст агенцтва «Франс Прэс» Арман Сольдэн, які загінуў 9 мая 2023 года, асвятляючы вайну ва Украіне.

Дэдлайн — 30 жніўня 2024 года.

Заяўкі на англійскай ці французскай мове накіроўвайце на адрас presse.dcp@diplomatie.gouv.fr, запоўніўшы наступны фармуляр: télécharg­er le for­mu­laire (Word — 14/06 ko)

Больш інфармацыі — па спасылцы