Праект ЕС «Культура і Крэатыўнасць» сканчваецца. Але яшчэ ёсць магчымасць прайсці курсы анлайн!
26 студзеня 2018
Праект ЕС «Культура і Крэатыўнасць» паказаў, што добрая камунікацыя — адзін са складнікаў паспяховай працы. За два гады Праекта «Культура і Крэатыўнасць» было напрацавана 30 тысяч паслядоўнікаў у Facebook і больш за 870 артыкулаў на сайце.
Эфектыўныя інструменты камунікацыі, якія былі абраныя экспертамі праекта з самага пачатку, прынеслі свой вынік. Інфармацыйная падтрымка Пректа Еўрасаюза «Культура і Крэатыўнасць» была шырокай і паспяховай (у параўнанні з іншымі праектамі).
У чым сакрэт? Канцэпцыя сайта ўключала ў сябе тры найважнейшыя мэты:
- прадставіць карыстальнікам карысную інфармацыю;
- зрабіць акцэнт на экспертныя інтэрвʼю і абмен вопытам;
- анлайн навучанне.
Анлайн курсы, якія прапануе праграма ЕС «Культура і Крэатыўнасць» карысталіся папулярнасцю ў Беларусі. Наведвальнікаў і тых хто атрымаў сертыфікаты з нашай краіны было больш, чым з іншых краін Усходняга Партнёрства. Чаму? Магчыма таму, што гэта новы і эфектыўны інструмент набыцця актуальных навыкаў і ведаў, якога ў Беларусі не хапае.
Для журналістаў курсы карысныя тым, што вучаць, як пісаць пра культуру цікава (для першай старонкі, а не «перад прагнозам надворʼя»), як запоўніць заяўку на грант, як зрабіць крэатыўную ідэю прыбытковай, як рухацца ў свеце, дзе змяняецца эканоміка і камунікацыя. Тэхналогіі дыктуюць новыя ўмовы, таму трэба быць гатовымі мяняцца, набываць і выкарыстоўваць новыя навыкі, працаваць эфектыўна і мець прыбытак.
Нават пасля заканчэння Праграмы ЕС «Культура і Крэатыўнасць», курсы будуць дасяжныя яшчэ некаторы час. Таму не згубіце магчымасць атрымаць гэтыя веды.
Анлайн курс па культурнай журналістыцы ад Майі Джаггі, вядомай у Брытаніі журналісткі, якая 25 год піша для The Guardian, Financial Times, Economist. Курс дасяжны ТУТ.
Курс ад брытанскага эксперта па крэатыўнай эканоміцы Дэвіда Пэррыша па маркетынгу для творчых прафесіяналаў. Курс дасяжны ТУТ.
Курс ад Лідзіі Варбанавай «Партнёрства і фандрайзінг»: як шукаць партнёраў (і не быць адзінокім), распрацоўваць сумесныя праекты і размяркоўваць фінансы. Курс дасяжны ТУТ.
Агульна праграма ЕС-Усходняга Партнёрства «Культура і Крэатыўнасць» была скіраваная на:
- на падтрымку культурных і крэатыўных сектараў;
- на практычныя даследаванні;
- спрыянне новым стратэгіям і рэформам у сферы культуры;
- трэнінгі для мадэрнізацыі культурнага сектара;
- прадстаўленне магчымасцяў для міжнароднага культурнага супрацоўніцтва і падвышэнне разумення ролі культуры.
Праграма кканчваецца 1 лютага 2018 года.
@bajmedia
