«Песочница 3.0» ад Медыя Акадэміі Прэс-клуба Беларусь (дэдлайн — 19 лютага)

Для каго курс:

• для тых, хто хоча паспрабаваць сябе ў прафесіі журналіста;

• журналістаў-пачаткоўцаў, якія супрацоўнічаюць з беларускімі рэдакцыямі;

• прадстаўнікоў НДА, ініцыятываў і праектаў грамадзянскай супольнасці, якім патрэбныя базавыя журналісцкія кампетэнцыі.

Навучанне праходзіць анлайн і афлайн у Варшаве, доўжыцца 10 тыдняў. Відэазапісу навучальных модуляў не будзе. Заняткі будуць праходзіць па аўторках і пятніцах у 17.00 (па Варшаве).

Дэдлайн заявак: 19 лютага 2024 года.

РЭГІСТРАЦЫЯ

Курс уключае ў сябе:

• двухдзённы афлайн-модуль у Варшаве. Удзел у афлайн-сустрэчы абавязковы для ўсіх удзельнікаў, калі ласка, забраніруйце гэтыя даты;

• штотыднёвыя двухгадзінныя навучальныя сесіі з экспертамі па тэмах;

• практычныя заданні па тэме для замацавання;

• персанальны «прафайл» з выкананымі заданнямі і індывідуальнай зваротнай сувяззю ад эксперта;

• групавыя абмеркаванні заданняў (сесія зваротнай сувязі) з трэнерам;

• дадаткова для лепшых студэнтаў — стажыроўка ў рэдакцыях незалежных беларускіх медыяў.

Тэмы курса:

• З чаго складаецца праца журналіста і рэдакцыі.

• Як шукаць тэмы? Чаму медыя не пішуць аб усім і як яны выбіраюць, пра што пісаць.

• Як здабываць інфармацыю, выбіраць крыніцы і працаваць з імі беражліва.

• Фактчэкінг за пяць хвілін. Як праверыць інфармацыю і самому не распаўсюдзіць фэйк.

• Як зрабіць падзею навіной.

• Тэхнікі інтэрв’ю: як угаварыць, разгаварыць і не страціць суразмоўцы.

• Чаму адны рэпартажы «зацягваюць» чытача, а іншыя – не.

• Лічбавыя інструменты для падрыхтоўкі журналісцкіх матэрыялаў. Як стварыць сваю інтэрактыўную гісторыю.

• Упакоўка матэрыялаў для розных платформаў.

• Як «прымусіць» чытача абмяркоўваць і прасоўваць твой матэрыял у сацсетках.

Колькасць месцаў абмежавана. Пры адборы журы будзе арыентавацца на матывацыю і на тое, ці плануе кандыдат прымяняць на практыцы веды, атрыманыя на курсе, а таксама развіваць супрацоўніцтва з рэдакцыямі.

Больш інфармацыі пра курс — па спасылцы

Па дадатковых пытаннях пішыце на academy@press-club.pro