«Пераехаўшыя»: анлайн у сераду а 19:00. Наступныя госці: Яўгенія Доўгая і Марына Маўчанава

Як ім працуецца?
Якія складанасці ўладкавання ў краінах, якія абралі для жыцця па-за Беларуссю? 
Дзе знайсці натхненне працаваць?
Як гэта – быць беларускім журналістам ці журналісткай у незнаёмай краіне?

Чарговая сустрэча – у бліжэйшую сераду, 26 кастрычніка, а 19:00 па менскім часе.

Госці: Яўгенія Доўгая — Польшча. Марына Маўчанава — Грузія.

Яўгенія Доўгая. З Менску ў Кіеў, з Кіеву падчас вайны з малой дачкой – у Варшаву.

Складана перажыць двайную эміграцыю, але не апусціць рукі і працягнуць працаваць у тэме Беларусі. Яўгенія робіць два праекты: «Палітвязынкі», пра беларусак, асуджаных па палітычных матывах і «Беларусь на теле», дзе сабраныя ўжо сотні татуіровак, зробленых з нагоды падзеяў у Беларусі.

Пра складаны маральны стан і як з яго выйсці. Пра жыццё ў Польшчы і няпросты шлях да яе. Пра змянення стаўлення да беларусаў пасля пачатку вайны.

Марына Маўчанава. З Бабруйску – у Батумі. Суды, штрафы, затрыманні – і вымушаны пераезд. Гісторыя, блізкая, бадай, кожнаму беларускаму журналісту. Як уладкаваць жыццё з нуля, у краіне, якая адрозніваецца культурна і ментальна ад радзімы? Як, а галоўнае – чаму, заставацца ў прафесіі, калі хочацца сысці падалей?

Грузія, праз якую прайшла большасць журналістаў, якія беглі з Беларусі – якая яна? Што змянілася пасля пачатку вайны? Складанасці і радасці жыцця. І шмат іншага – вы будзеце мець магчымасць задаць гераіням свае пытанні.

Мадэратарка сустрэч – журналістка Алёна Дубовік.

Для ўдзелу, калі ласка, ЗАРЭГІСТРУЙЦЕСЯ.

Спасылка для ўваходу прыйдзе на пазначаную Вамі электронную пошту.