Падчас Сусветнай канферэнцыі па свабодзе прэсы 9–10 снежня будуць абмяркоўваць сітуацыю ў Беларусі РЭГІСТРАЦЫЯ
4 снежня 2020
Сусветная канферэнцыя па свабодзе прэсы (World Press Freedom Conference — WPFC) — глабальнае штогадовае мерапрыемства ААН, якое збірае журналістаў, медыя-кампаніі, праваабаронцаў і праваахоўнікаў, палітыкаў, навукоўцаў, моладзь, грамадскія арганізацыі і ўсіх, хто зацікаўлены ў свабодзе прэсы ва ўсім свеце.
У гэтым годзе Сусветную канферэнцыю па свабодзе прэсы арганізоўваюць сумесна ЮНЭСКА і Каралеўства Нідэрландаў. Канферэнцыя пройдзе ў новым інавацыйным фармаце, аб’ядноўваючы лічбавыя і фізічныя элементы, што забяспечвае больш шырокі ахоп аўдыторыі з улікам умоў ізаляцыі з прычыны COVID-19.
Кожны можа далучыцца да канферэнцыі праз інтэрнэт.
Акрамя вядомых журналістаў і праваабаронцаў з розных краін, на канферэнцыі выступіць беларускі драматург Андрэй Курэйчык. У жніўні 2020 года Курэйчык напісаў п’есу “Пакрыўджаныя. Беларусь(сія)” на хвалі пратэстных падзей. Тэкст быў перакладзены на іншыя мовы, у тым ліку на галандскую, і цяпер яго чытаюць у тэатрах у розных частках свету.
Выступ Андрэя Курэйчыка «Свабода СМІ і свабода выказвання меркавання ў Беларусі» запланаваны 9 снежня з 18.30 да 19.30.
На гэтым сайце можна азнаёміцца з праграмай, зарэгістравацца і далучыцца да канферэнцыі: https://wpfc2020.com.
Праграма канфэрэнцыі ТУТ.
@bajmedia
У Сенаце ЗША прадэманстравалі партрэты беларускіх палітзняволеных. У тым ліку двух супрацоўнікаў «Радыё Свабода»
11.01.2024
«Колькі лістоў яны могуць знішчыць?» Калонка Святланы Ціханоўскай для Index on Censorship
09.08.2024
Улады хочуць адабраць стары дамен. Мы змянілі пошту і сайт!
03.12.2023
Журналіст Ігар Палынскі: «Эміграцыя поўнасцю змяніла маё жыццё»
24.06.2024
