Новы раунд грантаў для незалежных СМІ ад NED (дэдлайн — 7 студзеня)

Нацыянальны фонд у падтрымку дэмакратыі (NED) прымае заяўкі на гранты ад праектаў, якія маюць на мэце ўмацаванне дэмакратыі і дэмакратычных інстытутаў.

Выява зроблена БАЖ пры дапамозе Chat­G­PT

Незалежныя медыяарганізацыі, грамадскія групы і асацыяцыі могуць падаць заяўкі на атрыманне гэтых грантаў.

Памер грантаў можа быць розным у залежнасці ад маштабу і сферы дзеяння праектаў. Сярэдні грант разлічаны на 12 месяцаў і складае каля 50 000 долараў ЗША.

NED зацікаўлены ў прапановах ад арганізацый, чыя дзейнасць накіравана на садзейнічанне абароне правоў чалавека і выкананню закона, на падтрымку свабоды інфармацыі і незалежных СМІ, а таксама садзейнічанне падсправаздачнасці і празрыстасці.

Дэдлайн чарговага раунда падачы заявак — 7 студзеня 2025 года.

Падрабязнасці і рэгістрацыя — па спасылцы