МОСТ+: праграма мабільнасці для мэтавых кантактаў паміж людзьмі

MOST+ пакрывае дарожныя выдаткі для ўдзелу ў стажыроўках, канферэнцыях, форумах і іншых прафесійных мерапрыемствах, а таксама для распрацоўкі сумесных праектаў паміж беларускімі спецыялістамі і іх калегамі з краін Еўрапейскага саюза.

Заяўку на атрыманне гранта могуць падаць спецыялісты, якія працуюць у наступных шасці сферах:

• Грамадства (грамадзянская супольнасць, правы чалавека і СМІ)

• Культура (у шырокім разуменні, у тым ліку турызм, культурныя і крэатыўныя індустрыі)

• Бізнэс (малы і сярэдні бізнэс, інавацыйны бізнэс, у тым ліку IT)

• Адукацыя (пазафармальная і неакадэмічная, уключаючы бесперапынную адукацыю на працягу ўсяго жыцця)

• Ахова здароўя

• Устойлівасць (арганічнае земляробства, абарона навакольнага асяроддзя, устойлівая энергетыка)

Хто можа падаваць заяўкі?

• Вы павінны быць грамадзянінам Рэспублікі Беларусь ва ўзросце ад 18 гадоў.

• Вы павінны быць спецыялістам, які працуе ў адной з шасці пералічаных вышэй абласцей.

• Не прымаюцца заяўкі ад заяўнікоў, якія займаюцца названай дзейнасцю у якасці хобі.

• Не прымаюцца заяўкі ад студэнтаў, якія яшчэ не скончылі навучанне і не атрымалі прафесію.

• Вы можаце падаць заяўку індывідуальна ці ў складзе групы да пяці заяўнікоў.

• Вашай краінай пражывання можа быць Беларусь ці любая іншая краіна.

• Краіна пражывання — гэта краіна, якую заяўнік лічыць краінай свайго сталага жыхарства.

Не прымаюцца заяўкі ад фізічных асоб і супрацоўнікаў устаноў, якія падпадаюць пад рашэнні Савета міністраў замежных спраў ЕС датычна Рэспублікі Беларусь і пад адпаведныя санкцыі, накладзеныя на фізічных асоб і арганізацыі.

Якія паездкі падтрымліваюцца праграмай MOST+?

З дапамогай гранта на забеспячэнне мабільнасці вы можаце наведаць краіны ЕС з мэтай:

• Усталяваць партнёрскія адносіны ў сваёй прафесійнай сферы і пашырыць свае міжнародныя прафесійныя кантакты

• Распрацаваць сумесныя праекты

• Паўдзельнічаць у канферэнцыях, кангрэсах, форумах, міжнародных мерапрыемствах, іншых галіновых мерапрыемствах

• Паўдзельнічаць у вучэбна-азнаямленчых паездках і візітах па абмене досведам

• Прыняць удзел у стажыроўцы. Ваша паездка павінна быць непасрэдна звязана са сферай вашай прафесійнай дзейнасці.

Ваша паездка павінна садзейнічаць прафесійнаму росту. Удзел павінен быць актыўным (напрыклад, прэзентацыя, а не проста ўдзел у мерапрыемстве). Вашая паездка павінна прынесці карысць і стаць крыніцай інфармацыі для іншых беларускіх спецыялістаў з вашай сферы.

Вы можаце падаваць заяўкі ў пяці катэгорыях, у залежнасці ад працягласці і фармату запланаванай паездкі (уключаючы час у дарозе):

• Катэгорыя 1 / Кароткатэрміновыя паездкі: вучэбна-азнаямленчыя паездкі, паездкі для абмену досведам, удзел у міжнародных мерапрыемствах, наладжванне сувязей і інш., ад 3 да 7 дзён.

• Катэгорыя 2 / Доўгатэрміновыя паездкі: стажыроўка ад 14 да 30 дзён.

• Катэгорыя 3 / Шматэтапная мабільнасць: мабільнасць у некалькі краін ці некалькі этапаў: ад 6 да 21 дня.

• Катэгорыя 4 / Візіт еўрапейскіх партнёраў: візіты працягласцю ад 3 да 6 дзён.

• Катэгорыя 5 / Анлайн-мабільнасць: удзел у прафесійных мерапрыемствах у рэжыме анлайн.

Якія краіны можна наведваць?

Мэтавымі краінамі праграмы MOST+ з’яўляюцца краіны Еўрапейскага Саюза: Аўстрыя, Бельгія, Балгарыя, Венгрыя, Германія, Грэцыя, Данія, Ірландыя, Іспанія, Італія, Кіпр, Латвія, Літва, Люксембург, Мальта, Нідэрланды, Польшча, Партугалія, Румынія, Славакія, Славенія, Фінляндыя, Францыя, Харватыя, Чэхія і Швецыя. 

Як падаць заяўку на грант?

Вы павінны падаць заяўку на грант на забеспячэнне мабільнасці праз анлайнплатформу MOST+ на партале падачы заявак Гётэ-Інстытута (GAP) .

Неабходныя суправаджальныя дакументы:

Дадатак 1 «Запрашэнне ад прымаючай арганізацыі, праграма канферэнцыі або іншае пацвярджэнне наяўнасці праграмы паздкі» (па адным запрашэнні ад кожнай прымаючай арганізацыі);

Дадатак 2 «Рэзюмэ» – скарыстайцеся гэтым узорам;

Дадатак 3 «Дазвол выплачваць грант на забеспячэнне мабільнасці па праграме MOST+ трэцім асобам» (калі патрабуецца, скарыстайцеся гэтым узорам).

БОЛЬШ ІНФАРМАЦЫІ ТУТ

Пытанні датычна праграмы мабільнасці накіроўвайце па электроннай пошце: infomobility@goethe.de