Міжнародны конкурс трэвэл-фатаграфіі TPOTY (дэдлайн — 6 кастрычніка)

Конкурс Trav­el Pho­tog­ra­phy of the Year (TPOTY) запрашае да ўдзелу прафесійных фатографаў і фатографаў-аматараў.

Фота: Дмітро Гешангорын, Германія. Гэты здымак выканаўцы брэйк-данса на пляжы ў Бразіліі — адзін з пераможцаў 2023 года

Можна дасылаць свае працы, зробленыя ў падарожжах. 

У конкурсе чатыры намінацыі для партфоліа, чатыры намінацыі для індывідуальных фатаграфій, моладзевая намінацыя і намінацыя для фатографаў-пачаткоўцаў. Таксама будзе абраны лепшы фатограф-падарожнік 2024 года.

Сярод катэгорый:

• асобы, людзі, культуры;
• планета Зямля – ландшафт, клімат і вада;
• падарожжа ў манахромным рэжыме;
• дзікая прырода, прырода і падводны свет;
• гарады, пасёлкі, вуліцы;
• фестывалі і ўрачыстасці.

Пераможцы атрымаюць грашовыя прэміі і падарункі ад спонсараў.

Конкурс платны. Кошт удзелу — ад 12 да 100 фунтаў стэрлінгаў. Удзел у моладзевай катэгорыі бясплатны. У некаторых выпадках прапануюцца зніжкі.

Дэдлайн - 6 кастрычніка 2024 года.

Больш інфармацыі і падача заявак — на сайце конкурса

Конкурс турыстычнай фатаграфіі TPOTY быў заснаваны прафесійнымі фатографамі Крысам і Карэн Коу. У спісе спонсараў — Gen­e­sis Imag­ing, Pho­to Icon­ic, Plas­tic Sand­wich і Каралеўскае фатаграфічнае таварыства.

Сібірскія шаманы і жывёлы-«мутанты». На конкурсе Travel Photographer of the Year выбралі лепшыя фота