Конкурс спартыўнай журналістыкі (дэдлайн — 4 лістапада)

Спартыўных журналістаў запрашаюць узяць удзел у конкурсе. Міжнародная асацыяцыя спартыўнай прэсы (Inter­na­tion­al Sport Press Asso­ci­a­tion, AIPS) ладзіць Sport Media Awards — 2024.

Прымаюцца працы на любой мове, апублікаваныя ці выпушчаныя ў эфір у перыяд паміж 5 лістапада 2023 і 4 лістапада 2024 года.

Катэгорыі:

• тэкст (лепшая калонка і самы маляўнічы матэрыял),
• фатаграфія (фота ў руху і партфоліё),
• аўдыё,
• відэа (кароткаметражны фільм, партрэт спартсмена і дакументальны фільм),
• асобная катэгорыя для маладых рэпарцёраў ва ўзросце да 30 гадоў.

Прызы за першае, другое і трэцяе месцы ва ўсіх катэгорыях, акрамя маладзёжнай, — 8 000, 3 000 і 2 000 долараў ЗША адпаведна. Пераможца ў маладзёжнай катэгорыі атрымае стыпендыю на наведванне вялікага міжнароднага мерапрыемства.

Заяўкі прымаюцца да 4 лістапада 2024 года.

ПАДАЦЬ ЗАЯЎКУ

AIPS Sport Media Awards — гэта самая высокая міжнародная ўзнагарода ў індустрыі спартыўных СМІ. Конкурс разглядае матэрыялы на ўсіх медыяплатформах: ад фатаграфій і відэа, ад друкаваных да лічбавых выданняў, ад падкастаў да спартыўных блогаў. Першая цырымонія ўзнагароджання прайшла ў Лазане ў студзені 2019 года.

Міжнародная асацыяцыя спартыўнай прэсы (AIPS) заснавана ў Парыжы ў 1924 годзе. З’яўляецца прафесійнай арганізацыяй, якая аб’ядноўвае міжнародныя спартыўныя СМІ, з больш чым 9500 членамі ва ўсім свеце. Яе штаб-кватэра знаходзіцца ў Лазане, Швейцарыя.