Інстытут імя Гётэ ў Літве шукае менеджэра па інфармацыйнай працы і супольнасці
Інстытут імя Гётэ ў Літве шукае ў Вільні кандыдата на пасаду менеджэра па інфармацыйнай працы і супольнасці праекта MOST IV, які фінансуецца ЕС.
![](https://khdbz39sm.shop/wp-content/uploads/2024/07/gete-jpg-webp.webp)
Фотa: Swen Pförtner/dpa/picture alliance
Пасада штатная, занятасць — 40 гадзін на тыдзень. Тэрмін: з 1 кастрычніка 2024 года па 31 траўня 2027 года, уключаючы 3‑месячны выпрабавальны тэрмін.
Праект MOST IV спрыяе павышэнню ўстойлівасці беларускага грамадства і развіццю культурных стасункаў. Праект падтрымлівае беларускіх прафесіяналаў — як у Беларусі, так і за мяжой — у павышэнні іх прафесійных кампетэнцый і магчымасцяў на будучыню. Асноўным напрамкам дзейнасці з’яўляецца схема мабільнасці, якая спрыяе прафесійным кантактам паміж спецыялістамі і арганізацыямі з Беларусі і ЕС. Зацікаўленыя беларусы атрымліваюць магчымасць атрымаць фінансаванне на праезд і пражыванне за мяжой, а таксама дапамогу ў пошуку першага прафесійнага кантакту ў ЕС. Праграма працуе з наступнымі прыярытэтнымі сектарамі: культура, грамадства, адукацыя, бізнес, ахова здароўя і ўстойлівае развіццё.
Абавязкі:
У цесным супрацоўніцтве з камандай MOST IV і пад наглядам кіраўніка групы:
- распрацоўка і рэалізацыя стратэгіі ахопу, якая забяспечвае бачнасць праекта і распаўсюджванне дзейнасці праекта;
- каардынацыя цэласнага вобраза праекта ва ўсіх публічных камунікацыйных і інфармацыйных мерапрыемствах праекта;
- кіраванне і далейшае развіццё прысутнасці праекта на розных каналах ахопу для дасягнення і актывізацыі мэтавых груп;
- распрацоўка і публікацыя кантэнту для рэгулярных абнаўленняў каналаў праекта ў сацыяльных сетках, а таксама вэб-сайта праекта;
- нагляд за вэб-сайтам і каардынацыя дзеянняў са знешнімі партнёрамі і пастаўшчыкамі ў пытаннях ахопу (дызайнерамі вэб-сайтаў, графічнымі дызайнерамі і г.д.);
- распрацоўка і ажыццяўленне анлайн- і афлайн-мерапрыемстваў, накіраваных на развіццё асабістых кантактаў і сетак паміж патэнцыяльнымі заяўнікамі, грантаатрымальнікамі і выпускнікамі;
- арганізацыя мерапрыемстваў для прадстаўлення вынікаў MOST, уключаючы канферэнцыі, семінары, друкаваныя і інтэрнэт-публікацыі, а таксама відэаматэрыялы;
- уклад у маніторынг і ацэнку інфармацыйнай дзейнасці;
- уклад у распрацоўку і арганізацыю праектных мерапрыемстваў, такіх як адкрыццё і закрыццё.
Патрабаванні:
- завершаная адпаведная універсітэцкая адукацыя або эквівалентныя кампетэнцыі;
- даказаны прафесійны вопыт у галіне камунікацыі, арганізацыі суполак і/або кіравання;
- прафесійны вопыт у міжнародных праектах (пераважна, што фінансуюцца ЕС);
- усведамленне сучасных умоў беларускай грамадзянскай супольнасці і досвед працы з кантэкстам Беларусі;
- стрэсаўстойлівасць, увага да дэталяў і ўменне працаваць з дэдлайнамі;
- выдатныя камунікатыўныя навыкі, асабліва ў міжнародных камандах;
- выдатныя навыкі працы ў лічбавых і сацыяльных сетках, а таксама навыкі рэдагавання тэксту і напісання тэкстаў;
- моцныя арганізатарскія і сацыяльныя навыкі, пачуццё адказнасці і працавітасці, ініцыятыўнасць;
- выдатна валодае беларускай і рускай мовамі, а таксама англійскай;
- веданне нямецкай і/або літоўскай мовы з’яўляецца перавагай.
Што прапануюць:
- заробак брута 2074–2295 еўра (пачатковы заробак залежыць ад адпаведнага вопыту работы) у адпаведнасці са схемай аплаты працы Інстытута імя Гётэ ў Літве;
- міжнароднае працоўнае асяроддзе і гнуткая арганізацыя працы, уключаючы мабільную працу.
- магчымасць стаць часткай значнага міжнароднага праекта, які забяспечвае магчымасці навучання і развіцця.
Дэдлайн — 15 жніўня 2024 года.
Заяўку дасылайце на адрас: bewerbung-vilnius@goethe.de
Увага! Заяўку трэба адпраўляць на англійскай мове. Яна павінна уключаць матывацыйны ліст, CV, адпаведныя сертыфікаты, 1–2 рэкамендацыйныя кантакты. У якасці тэмы ліста пазначце: «Заяўка MOST IV Outreach and Community Manager. Імя Прозвішча».
На сумоўе запросяць толькі кандыдатаў, якія ўвайшлі ў шорт-ліст.
Інстытут імя Гётэ — гэта германская няўрадавая арганізацыя, задачамі якой з’яўляюцца папулярызацыя нямецкай мовы за мяжой і садзейнічанне міжнароднаму культурнаму супрацоўніцтву. У Літве, акрамя супрацоўніцтва з літоўскімі партнёрамі, інстытут робіць акцэнт на працы з беларускімі партнёрамі.
![](https://khdbz39sm.shop/wp-content/themes/baj/assets/images/telegram-logo.jpg)