Дыстанцыйны адукацыйны курс «Навіны па-новаму» (рэгістрацыя да 14 сакавіка) Мінск—Вільня

Гэта не так проста: зразумець, што хоча ведаць чытач, здабыць факты, якія не ляжаць на паверхні, выбраць адпаведны фармат і фокус падачы інфармацыі і пракласці ёй шлях да шырокай аўдыторыі.

Як зрабіць свой навіновы кантэнт унікальным, якраз і будзем вучыцца падчас арыентаванага на набыццё практычнага досведу курса «Навіны па-новаму».

Курс будзе карысны для тых, хто толькі пачынае працаваць журналістам ці  яшчэ вучыцца журналістыцы. А тым, хто працуе даўно, дае магчымасці рабіць сваю работу больш якасна, дзякуючы авалодванню сучаснымі інструментамі і тэхнікамі.

Трэнер-куратар курса Марына Загорская.

Разам мы распрацуем алгарытм дзеянняў, якія дазволяць хутка і якасна пісаць навіны (ды, прынамсі, і тэксты ў іншых жанрах) на любыя тэмы.

Слухачы навучацца:

— знаходзіць навіны там, дзе іншыя  іх не заўважаюць;

—  здабываць эксклюзіў з прэс-рэлізаў і прэс-канферэнцый;

— распрацоўваць тэму пад адмысловым ракурсам;

— ранжыраваць крыніцы інфармацыі па шкале надзейнасці;

— заўважаць і адзначаць дэталі;

— будаваць навіну па сучасных стандартах;

— пісаць лагічна, ясна, коратка;

Пасля заканчэння курса слухачы будуць умець:

— весці стрымы (наўпроставыя трансляцыі) падзей;

— прывабна запакоўваць навіны і эфектыўна карыстацца прынадамі: загалоўкам, тызерам, лідам;

— верыфікаваць інфармацыю і пазнаваць фэйкі;

— карыстацца сацсеткамі для пошуку інфармацыі, герояў і каментатараў, а таксама прасоўвання ўласных тэкстаў.

ДА ЎДЗЕЛУ ЗАПРАШАЮЦЦА: журналісты, студэнты факультэтаў журналістыкі.

АПІСАННЕ КУРСА: Дыстанцыйны курс «Навіны па-новаму» распачнецца ўстаноўчай сесіяй у Мінску 17.03.2019  (нядзеля) і завершыцца 28.04.2019  майстар-класам замежнага трэнера ў Вільні. Паміж гэтымі датамі будзе чатыры дыстанцыйныя сесіі з тэарэтычнымі блокамі, практыкай ды хатнімі заданнямі, а таксама заключная сесія ў Мінску 20.04.2019 (субота).

Удзел у курсе бясплатны, але колькасць удзельнікаў абмежаваная.

Падаць заяўку на ўдзел у адборы можна ТУТ да 14 сакавіка, 24:00.

Конкурсы і навучанне