Чарговы набор у Школу медыяменеджмента (да 26 студзеня)

Школа медыяменеджмэнта працуе ў Беларусі з вясны 2017 года.

У канцы студзеня адбудзецца другі выпуск удзельнікаў гэтай праграмы для менеджэраў СМІ і іншых медыяпраектаў.

Сярод выпускнікоў першых двух набораў – менеджэры такіх вядомых у краіне выданняў і медыяпраектаў, як  City­Dog, TUT.BY, “Наша Ніва“, “Віцебскі кур’ер“, “Intex-Press”, Hrod­naL­ife, S13, “Вечерний Гродно“, “Твой город Гродно” і іншыя.

Праграма Школы распрацаваная прадстаўнікамі грамадскага аб’яднання “Цэнтр “Трэці сектар”, установы “Цэнтр дадатковай адукацыі дарослых “Студыя карысных кампетэнцый“, Магістэрскай праграмы па медыякамунікацыях Украінскага каталіцкага ўніверсітэту (Львоў) і Мінскага міжнароднага адукацыйнага цэнтру імя Ё. Раў пры падтрымцы Deutsche Welle Akademie.

Заняткі ў Школе арганізаваныя ў фармаце “змяшанага навучання”: удзельнікі бяруць удзел у чатырох стацыянарных трэнінгах, а таксама выконваюць дыстанцыйна індывідуальныя і групавыя заданні.

Трэнерская каманда Школы складаецца з дасведчаных медыяменеджэраў-практыкаў.

Таццяна Рэпкава (Славакія) – галоўная трэнерка Школы

Уся трэнерская каманда прайшла падрыхтоўку па выкарыстанні інтэрактыўных метадаў навучання, а таксама па дыстанцыйным навучанні.

Заяўкі на ўдзел у Школе прымаюцца да 26 студзеня.

Падрабязную інфармацыю пра трэнераў, тэмы, месцыі даты правядзення трэнінгаў, а таксама спасылку на форму заяўкі шукайце на адмысловай  старонцы Школы.

Сачыць за інфармацыяй пра Школу і пра іншыя цікавыя факты і падзеі ў галіне медыяменеджменту можна ў групе “Медыяменджмент Беларусь” у ФБ.