Акселератар публічных кампаній ад Free Belarus Center (дэдлайн — 8 верасня)

Удзельнікі і ўдзельніцы акселератара будуць працаваць над ідэямі публічных кампаній, распрацоўваць план іх правядзення і рэалізоўваць іх. Гэта магчымасць атрымаць новыя веды і навыкі ад спецыялістаў у гэтай сферы. Лепшыя ідэі змогуць прэтэндаваць на фінансавую падтрымку.

Чакаюць заяўкі ад актывістаў_ак і журналістаў_ак з малым досведам вядзення публічных кампаній, якія:

• жадаюць навучыцца працы з іх арганізацыяй, мадэрацыяй і правядзеннем;
• маюць ідэі публічных кампаній, накіраваных на дэмакратызацыю Беларусі, падтрымку грамадзянскай супольнасці, высвятленне і вырашэнне разнастайных праблемаў;
• хочуць атрымаць ментарскую, а магчыма і фінансавую падтрымку сваёй працы.

Акселератар будзе складацца з двух этапаў:

• Падчас першага этапу 20–22 верасня ўдзельнікі і ўдзельніцы возьмуць удзел у выязным трэнінгу ў адной з краін Еўрапейскага Саюзу (афлайн), а праз 1,5 месяца ад пачатку праграмы адбудзецца пітчынг ідэй публічных кампаній і адбор лепшых праектаў (анлайн).
• Падчас другога этапу тыя, хто паспяхова пройдуць пітчынг, возьмуць удзел у study vis­its у профільныя арганізацыі.

Усе праекты, якія пройдуць на другі этап, атрымаюць магчымасць ментарскай падтрымкі анлайн ад аднаго_ой з ментараў_ак.

Тры лепшыя ўдзельнікі_цы атрымаюць фінансавую падтрымку сваёй працы і на працягу трох месяцаў пасля атрымання фінансавання павінны будуць рэалізаваць свой праект.

Працягласць акселератара — 6 месяцаў.

Ментары_кі:

• Антон Раднянкоў – сацыяльны прадпрымальнік і грамадскі актывіст;
• Ала Алоэ – прадзюсарка;
• сакрэтны ментар, якога раскрыюць перад дэдлайнам.

Увага! Аплікантам_кам з Беларусі трэба мець дзеючую візу для наведвання краін ЕС. Free Belarus Cen­ter не аказвае падтрымку ў атрыманні візы.

РЭГІСТРАЦЫЯ

Для падачы заяўкі на акселератар публічных кампаній патрэбна дадаць матывацыйны ліст і рэкамендацыйныя лісты ад двух асоб.

Дэдлайн падачы заяўкі — 8 верасня 2024 года.

Месца правядзення паведамяць адабраным удзельнікам_цам асабіста. Транспартныя выдаткі, пражыванне і харчаванне пакрываюцца Free Belarus Cen­ter.