Ты зараз у Еўропе, маеш невялікае анлайн-кам’юніці і хацеў_ла б адтачыць свае журналісцкія навыкі, але ў цябе няма часу на паўнавартаснае навучанне?
International Media Academy IMA з Берліна запрашае маладых беларускіх журналістаў і журналістак на інтэнсіўны 4‑дзённы семінар “Стварэнне сетак, абарона інфарматараў” у Варшаве. Семінар пройдзе з 22 па 25 верасня.
Заяўку на ўдзел можна падать анлайн па гэтай спасылцы.
Семінар арыентаваны на маладых беларускіх журналістаў-пачаткоўцаў.
Тэмы семінара:
-
асноўныя аспекты кібербяспекі – у зносінах з калегамі і каляжанкамі, інфарматарамі і інфарматаркамі, а таксама на сацыяльных платформах;
-
журналісцкія формы і жанры падачы матэрыялу;
-
тэхнікі інтэрв’ю;
-
крытэрыі незалежнай журналістыкі.
Акрамя таго, на семінары вас чакае:
-
практычны блок па асновах аўдыё- і відэажурналістыкі;
-
крэш-курс па канструктыўнай журналістыцы;
-
практычнае заданне.
Вынікі гэтага практычнага задання ўдзельнікі і ўдзельніцы змогуць абмеркаваць на сустрэчы выпускнікоў і выпускніц напрыканцы кастрычніка 2022 года ў Варшаве.
Кантэкст:
Пасля падзей у жніўні 2020 шмат незалежных журналістаў і журналістак пакінулі Беларусь. Таксама выехалі і журналісты-пачаткоўцы, блогеры і блогеркі, стваральнікі і стваральніцы медыя-кантэнту. Цяпер яны вымушаны асвятляць падзеі і жыццё ў краіне, знаходзячыся за яе межамі. Гэта стварае асаблівыя ўмовы працы. У такіх умовах вельмі важна падвышаць дасведчанасць аб кібер-бяспецы, а таксама працягваць развіваць уласныя медыя-скілы.
Умовы падчас семінара:
Для ўдзельнікаў і ўдзельніц, якія прыязджаюць з трэцяй краіны, арганізатары аплачваюць выдаткі на праезд і пражыванне. Для ўсіх удзельнікаў і ўдзельніц семінара прадугледжаны грошы на кішэнныя выдаткі і ланчы. Абавязковая ўмова пакрыцця ўсіх выдаткаў і выплата кішэнных грошай – наведванне ўсіх дзён семінара.
Мова семінара: беларуская, руская.
Кантакт для сувязі: seminarforjournalists@gmail.com
Арганізатары: International Media Academy IMA у партнёрстве з Медыя Акадэмія. Праект рэалізуецца пры падтрымцы Міністэрства замежных спраў Германіі.
Апошні дзень падачы заявак: 1 верасня 2022 года ўключна.
Арганізатары_кі звяртаюць вашу ўвагу: нягледзячы на тое, што ў форме запытваюцца аб узроўні валодання рознымі навыкамі і ведамі, гэта не вызначальны фактар пры адборы заявак. Гэта інфармацыя дапаможа арганізатарам_кам выбудаваць такую праграму семінара, якая ў найбольшай ступені адпавядала б вашым патрэбам.
