Карэспандэнтку «Белсата» Вольгу Чайчыц і аператара Андруся Козела ў чарговы раз пакаралі штрафамі

«Судоў сталі настолькі шмат, што на іх перасталі звяртаць увагу калегі. Сапраўды – колькі можна пісаць пра тое, што белсатаўцаў асудзілі. На сённяшні працэс мы не паехалі, бо няма сэнсу. Нас ніколі не слухаюць, рашэння прымаюцца на карысць уладаў», – кажа госць «Гарачага каментара» Вольга Чайчыц.

Паводле Чайчыц, гэта робіцца таму што журналісты прымушаюць улады рэагаваць на праблемы, якія існуюць у Беларусі.

«Мы сваймі сюжэтамі змяняем сітуацыю і гэта непрымальна для ўлады. Таму незалежная журналістыка так моцна заціскаецца… Улады бясконца лепяць штрафы проста каб паказаць, хто тут галоўны», – кажа яна.