Камітэт па правах чалавека ААН зарэгістраваў скаргу журналіста Вячаслава Лазарава
13 мая 2021
Журналіст Вячаслаў Лазараў лічыць, што беларуская дзяржава парушыла ягонае права на атрыманне і распаўсюд інфармацыі. Яго скарга зарэгістраваная Камітэтам па правах чалавека ААН пад нумарам 3884/2020. Рэгістрацыя азначае, што скарга прынята да разгляду і будзе разгледжаная па сутнасці пасля таго, як беларускі ўрад патлумачыць сваю пазіцыю ў межах пададзенага журналістам паведамлення.
Падставай для скаргі стала рашэнне суддзі Наваполацкага суда Зінаіды Балаболавай, якая ў траўні 2019 года прызнала Вячаслава Лазарава вінаватым паводле ч. 2. арт. 22.9 КаАП (незаконны выраб і распаўсюд прадукцыі СМІ). Суд пакараў журналіста штрафам памерам 637,5 рублёў за тое, што разам з журналісткай Аленай Шабуняй яны ўзялі інтэрв’ю ў жыхароў Наваполацка, размешчанае пасля на сайце belsat.eu У судовым пасяджэнні ні Лазараў, ні Шабуня сваёй віны не прызналі і ад тлумачэнняў адмовіліся.
Вячаслаў Лазараў абскардзіў рашэнне Наваполацкага суда ў Віцебскім абласным і Вярхоўным судах. Але суды вышэйшай інстанцыі адмовіліся абараніць яго правы, якія гарантаваныя дзейнай беларускай Канстытуцыяй і арт. 19 Міжнароднага пакту аб грамадзянскіх і палітычных правах.
За мінулыя два гады — з таго часу, як Вячаслаў Лазараў накіраваў скаргу ў КПЧ ААН, яго неаднаразова затрымлівалі падчас выканання журналісцкай працы, і некалькі сутак ён быў вымушаны правесці пад вартай у ізалятары часовага ўтрымання.
@bajmedia
Што здарылася з журналісткай Марынай Біруковай, якая загінула ў Варшаве
23.12.2023
Рэдактара «Рэгіянальнай газеты» Аляксандра Манцэвіча перавялі ў івацэвіцкую калонію
20.02.2024
«Вымушаныя меры, каб захаваць часопіс». З падпіскі прапалі легендарныя «Каламбур» і «Один дома»
27.10.2023
Журналіст Анджэй Пачобут ужо тры гады за кратамі
25.03.2024
