Інтэрнэт прымусіў Сусветную федэрацыю тэквандо змяніць назву. Яна больш не WTF

Кіраўніцтва арганізацыі, якая існуе з 1970‑х, прыняло такое рашэнне ў сувязі з «негатыўнымі канатацыямі», якія ўзнікаюць у сувязі з абрэвіятурай World Taek­won­do Fed­er­a­tion — WTF. У заяве тлумачыцца, што федэрацыя хоча быць бліжэй да маладога пакалення і павінна адаптавацца да сучаснага «лічбавага веку».

Ідэнтычнасць абрэвіятуры арганізацыі са скарачэннем папулярнага выразу What the f***ck неаднаразова станавілася падставай для жартаў сярод карыстальнікаў інтэрнэту. Як піша Quartz, фактычна Сусветная федэрацыя тэквандо змяніла назву, бо «ў інтэрнэта пачуццё гумару як у 12-гадовага дзіцяці».