Гродзенскіх журналістаў судзяць завочна
14 жніўня 2015
14 жніўня ў судзе Ленінскага раёна Гродна аднавіўся разгляд справаў гродзенскіх журналістаў-фрылансераў Алеся Дзянісава і Алеся Кіркевіча.
Алесь Дзянісаў (злева) і Алесь Кіркевіч
Слуханні адбываюцца ў адсутнасць саміх журналістаў, якіх абвінавачваюць у “незаконным вырабе прадукцыі сродкаў масавай інфармацыі” (арт. 22.9 КаАП РБ), а менавіта – падрыхтоўцы інфармацыйнага матэрыялу для спадарожнікавага тэлеканала “Белсат”.
Нагодай для завядзення справы стаў відэасюжэт пра выставу літоўскіх лялек у Гродне, размешчаны на сайце тэлеканала “Белсат”.
23 ліпеня судовы разгляд распачаўся, але суддзя Ленінскага раёна Гродна Юрый Казакевіч пастанавіў накіраваць матэрыялы на дапрацоўку ў міліцыю.
14 жніўня працэс аднавіўся. Суд заслухаў сведак – мастака Аляксандра Сільвановіча і яго жонку, дырэктарку выставачнай залы Ірыну Сільвановіч. Сведкі пацвердзілі, што яны давалі інтэрв’ю згаданым журналістам.
Працяг працэсу – 19 жніўня ў 11.30.
@bajmedia
На кінафестывалі «Bulbamovie» перамог дакументальны фільм журналісткі Таццяны Свірэпы
27.11.2023
Больш за 2300 паштовак са словамі падтрымкі: у Польшчы ладзяць акцыю салідарнасці з Анджэем Пачобутам
03.01.2024
Суд у Століне вынес прысуд блогеру Аляксандру Ігнацюку
08.04.2024
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
