Гродзенская суполка ГА «БАЖ» абрала кіраўніка і дэлегатаў на з’езд арганізацыі

Паводле яе слоў, гродзенскія БАЖаўцы агулам правялі больш за 50 разнастайных мерапрыемстваў. Ключавымі з іх сталі: канферэнцыя «Свабода слова і асаблівасці медыяменеджмента ў Беларусі», арганізацыя выставаў World Press Pho­to і «Непадцэнзурная Гародня. 1983–2018» з выпускам тэматычнага календара, а таксама фотапраект і фотавыстава «Pro Women: ламаючы стэрыятыпы» з арганізацыяй адмысловай экскурсіі па жаночай Гародні.

Апроч гэтага, былі зладжаныя шэраг дыскусій на прафесійную тэматыку з вядомымі ў Беларусі журналістамі, публіцыстамі і блогерамі.

Асаблівай увагі заслугоўвае арганізацыя гродзенскай суполкай ГА “БАЖ” майстар-класаў і лекцый з удзелам замежных журналістаў: Андрэя Кулікова з Украіны, Жазафіны Якабсон са Швецыі, а таксама Крыстафера Мілера з ЗША.

Большасць мерапрыемстваў была арганізаваная пры непасрэдным удзеле інфармацыйнага праекта Hrod­na­Me­di­a­Room.

Пасля прадстаўлення справаздачы, гродзенскія БАЖаўцы прагаласавалі і пераабралі Вольгу Корсун сваёй лідаркай, дапамагаць ёй упаўнаважаныя журналісты Андрэй Мялешка і Ірына Новік.

Дэлегатамі на чарговы з’езд ГА «БАЖ», які  мае прайсці сёлета ў красавіку, былі вылучаныя: Вольга Корсун, Андрэй Мялешка, Ірына Новік і Павел Мажэйка. Правамоцнасць абрання дэлегатаў была забяспечаная неабходным кворумам прысутных сябраў арганізацыі.

Падчас абмеркавання стратэгіі дзейнасці арганізацыі і напрамкаў працы на бліжэйшы час сябры гродзенскай суполкі акцэнтавалі ўвагу на пытаннях юрыдычна-прававой дапамогі журналістам ва ўмовах няспынных рэпрэсій рэжыму Лукашэнкі супраць прадстаўнікоў незалежнай медыясупольнасці.

Сустрэча адбывалася ў памяшканні культурна-асветніцкай установы «Цэнтр гарадскога жыцця».

З’езд ГА “Беларуская асацыяцыя журналістаў” пройдзе 16 красавіка. Пачынаецца ВЫЛУЧЭННЕ ДЭЛЕГАТАЎ