Гродна: выстава ад Hrodna.life адкрывала гарадское свята ФОТЫ
16 верасня 2019
Выстава пад назвай “Гродзенцы з мінулага”, арганізаваная рэдакцыяй незалежнага інтэрнэт-выдання Hrodna.life, адкрывала 14 верасня свята да Дня горада.
Экспазіцыя зроблена са старых фотаздымкаў, якія некалькі год збіраў журналіст, сябра ГА “БАЖ” Руслан Кулевіч. Яна прадстаўленая ў выглядзе банераў, прычэпленых да парэнчаў моста на вуліцы Горкага, адной з цэнтральных вуліц горада.
Пра стварэнне гэтай выставы кажа Руслан Кулевіч: “Мы планавалі зрабіць выставу ў вокнах старых будынкаў на вуліцы Міцкевіча ў раёне Новы Свет, але ў гарвыканкаме нам прапанавалі зрабіць выставу на Дзень горада на парэнчах моста. Гэта прыемна, што ўлады звярнуліся да нас. Мы спадзяемся, што і далей будзем супрацоўнічаць з імі. Выстава зробленая з перададзеных нам у рэдакцыю здымкаў сталых гродзенцаў”.
Здымкі, прадстаўленыя на выставе, увойдуць у новую кнігу Руслана Кулевіча. Яна стане працягам кнігі “Горад адзін, успаміны розныя”, якая выйшла напрыканцы 2018 года.
@bajmedia
Журналістаў Алену Цімашчук і Аляксандра Кіркевіча ўнеслі ў спіс «экстрэмістаў»
23.08.2024
«Деятельность НОК Беларуси не приостановлена». В МОК прокомментировали выдачу аккредитаций пропагандистским СМИ
25.06.2024
Ціханоўскую ў ЗША ўзнагародзілі прэміяй у галіне правоў чалавека. Яна прысвяціла яе журналістам
27.09.2024
Глыбоцкія следчыя праз мясцовую газету паведамілі пра крымінальную справу на журналіста Змітра Лупача
27.05.2024
