«Гомельская Вясна»: Яўгена Меркіса абвінавачваюць у садзейнічанні экстрэмісцкай дзейнасці
16 верасня 2022
У Гомлі 14 верасьня затрымалі журналіста Яўгена Меркіса і правялі ператрус у ягонага бацькі і сяброўкі. Першапачаткова паведамлялася, што справа датычыць нібыта заклікаў да санкцыяў.
Як інфармуе Гомельская вясна, стала вядома, што журналісту выставілі абвінавачаньне паводле артыкула 361–4 (садзейнічаньне экстрэмісцкай дзейнасьці). Такім чынам Яўгену Меркісу можа пагражаць зьняволеньне ад 2 да 6 гадоў.
Яўгена затрымалі ўчора пасьля ператрусу і зьмясьцілі ў гомельскі ізалятар часовага ўтрыманьня.
Увечары ў сераду прайшоў ператрус і ў Сьвятланы Кастэнкі, ягонай сяброўкі. Яна працуе ў Цэнтры інклюзіўнай культуры, займаецца з малавідушчымі і глухімі, таксама валянтэрыць у «Скажы жыцьцю „так“» — арганізацыі, якая займаецца анкалягічнымі праблемамі.
Яўген Меркіс супрацоўнічаў з тэлеканалам «Белсат», ён вядомы ў Гомлі журналіст, гісторык і краязнаўца. Пасьля прызнаньня шэрагу незалежных СМІ экстрэмісцкімі фармаваньнямі не працаваў журналістам, засяродзіўся на краязнаўчай дзейнасьці. У 2020 годзе яго неаднаразова затрымлівала міліцыя, ён адбываў «суткі» ў ІЧУ.
@bajmedia
Журналіста Ігара Ільяша перавялі ў СІЗА ў Калядзічы
30.10.2024
Рада Еўропы: «Cамацэнзура больш не абараняе журналістаў у Беларусі»
05.03.2024
Новы польскі ўрад звольніў кіраўніцтва дзяржаўных СМІ, адзін канал спыніў вяшчанне
20.12.2023
29 снежня спаўняецца 45 гадоў журналісту Андрэю Кузнечыку. З іх апошнія два — палітвязень за кратамі
29.12.2023
