Эўразьвяз дасьць на барацьбу з расейскімі «фэйкамі» мільён эўра
25 лістапада 2017
Кіраўніцтва Эўрапейскага зьвязу вырашыла штогод выдаткоўваць на супрацьдзеяньне расейскай прапагандзе па 1,1 мільёна эўра, перадае The Guardian.
Сродкі ад 2018 году будуць накіроўвацца апэратыўнай працоўнай групе ў стратэгічных пытаньнях East Stratcom Task Force, што займаецца супрацьдзеяньнем расейскай дэзінфармацыі.
Група, створаная Эўразьвязам у 2015 годзе, публікуе штотыднёвыя «Агляды дэзінфармацыі». Гэта падборкі паведамленьняў пра выпадкі скажэньні або маніпуляцыі фактамі ў матэрыялах расейскіх СМІ.
Як адзначае BBC, East Stratcom Task Force у сваёй працы абапіраецца на сетку экспэртаў і валянтэраў. Менавіта таму дасьведчанасьць у «фэйках» у інтарэсах Крамля ў той ці іншай краіне залежыць ад колькасьці і якасьці экспэртаў у гэтым рэгіёне.
З наступнага году East Stratcom Task Force пашырыць сваю дзейнасьць. Група ня будзе абмяжоўвацца выкладаньнем скажоных фактаў, як гэта робіцца цяпер, а пяройдзе да аналізу мэтадаў распаўсюду ілжывай інфармацыі праз пракрамлёўскія СМІ.
@bajmedia
Праваабаронца Максім Буткевіч, які знаходзіцца ў няволі ў РФ, стаў лаўрэатам украінскай Нацыянальнай праваабарончай прэміі
11.12.2023
Ва Украіне выявілі расійскую сетку рэгіянальных прапагандысцкіх выданняў
12.08.2024
Расія канфіскавала грошы ў Google і пусціла іх на прапаганду вайны
27.08.2024
У Ізраілі знайшлі цела фотажурналіста Роя Ідана, які раней лічыўся зніклым без вестак
19.10.2023
