ЕФЖ вітае ўручэнне прэміі Сахарава дэмакратычнай апазіцыі ў Беларусі і патрабуе вызвалення журналістаў
23 кастрычніка 2020
Дэмакратычная апазіцыя ў Беларусі стала лаўрэатам прэміі імя Сахарава за свабоду думкі ў гэтым годзе. Прэмію Сахарава кожны год прысуджае Еўрапейскі парламент у памяць пра савецкага фізіка і дысідэнта Андрэя Сахарава.
Еўрапейская федэрацыя журналістаў (ЕФЖ) вітае ўручэнне прэміі беларускай апазіцыі і нагадвае, што шэсць журналістаў зняходзяцца ў зняволенні ў Беларусі толькі за тое, што яны выконваюць сваю працу.
Пратэсты ўспыхнулі ў Беларусі пасля спрэчных прэзідэнцкіх выбараў у жніўні, якія, паводле сцверджання ўладаў, выйграў Аляксандр Лукашэнка з 80 працэнтамі галасоў. Гэта прывяло да жорсткіх рэпрэсій з боку ўладаў.
З нагоды цырымоніі ўзнагароджання ЕФЖ і Беларуская асацыяцыя журналістаў патрабуюць неадкладнага вызвалення шасці журналістаў, якія ўсё яшчэ знаходзяцца за кратамі ў Беларусі:
Алена Доўнар
Дар’я Спевак
Вадзім Заміроўскі
Усевалад Зарубін
Арцём Маёраў
Алесь Любянчук
«З часоў зфальсіфікаваных выбараў 9 жніўня было зафіксавана 292 выпадкі затрымання журналістаў, каб прэса не асвятляла масавыя дэманстрацыі супраць фальсіфікацый на выбарах і гвалт міліцыі, — заявіў генеральны сакратар EFJ Рыкарда Гуцьеррэс. — Беларуская судовая сістэма павялічвае колькасць адміністрацыйных прысудаў у дачыненні да журналістаў. Некаторыя несправядліва асуджаныя ад 10 да 15 дзён арышту за выкананне сваёй працы. Гэтыя рэпрэсіі павінны спыніцца!»
@bajmedia
Галоўны рэдактар iXBT.games выйшаў на волю
25.03.2024
На патрабаванне пракурора Магілёўскай вобласці заблакаваны доступ да сайта tribunal.info
05.07.2024
«Мы вас мусім вярнуць на тэрыторыю Польшчы». Журналіст Андрэй Мялешка расказаў падрабязнасці дэпартацыі з Грузіі
16.09.2024
Журналіст Вячаслаў Лазараў у калоніі захварэў на пнеўманію
18.04.2024
