Зісер пасьля допыту: Расьсьледаваньне «справы БелТА» можа заняць месяцы і гады
8 жніўня 2018
Амаль тры гадзіны дапытвалі 8 жніўня заснавальніка парталу Tut.by Юрыя Зісера па «справе БелТА». Ён даў падпіску аб неразгалошваньні.
«Усё нармальна, пачуваюся добра», — пракамэнтаваў акалічнасьці допыту Зісер.
Думка заснавальніка Tut.by наконт «справы БелТА» не зьмянілася. 7 жніўня Юры Зісер напісаў у сваім фэйсбуку пра відавочную палітычную падаплёку затрыманьняў журналістаў і ператрусу ў офісе Tut.by.
«Я па-ранейшаму лічу, што маштаб падачы гэтай падзеі перад грамадзкасьцю дзяржава раздула да касьмічных маштабаў, гэта не адпавядае маштабам учыненага», — сказаў Зісер.
Юры Зісер ня ведае, колькі можа заняць расьсьледаваньне і суд, але адзначыў што справа можа зацягнуцца.
«Гэта не да мяне пытаньне, але я думаю, калі гэта ўжо такое расьсьледаваньне, то гэта месяцы, а можа і гады» – сказаў Зісер.
З затрыманымі журналісткамі парталу Зісер у Сьледчым камітэце не сустракаўся, новай інфармацыі пра іх няма.
7 жніўня затрымалі 8 супрацоўнікаў Tut.by. Чатырох — Ульляну Бабаед, Людмілу Чэкіну, Яўгенію Беразюк, Дзьмітрыя Бобрыка — пасьля допыту ўвечары ў аўторак адпусьцілі. Яшчэ 4 журналісты застаюцца затрыманымі: Марына Золатава, Ганна Калтыгіна, Ганна Ермачонак і Галіна Ўласік.
@bajmedia
Медыя Warta прызналі «экстрэмісцкім»
21.12.2023
Фіксер у ваенным рэпартажы. Што самае страшнае і найбольш цікавае для замежных журналістаў на вайне — гутарка са Змітром Галко. ВІДЭА
11.10.2023
Украінскі праваабаронца Максім Буткевіч, які дапамагаў беларускім журналістам: «Сёння 14 месяцаў я ў СІЗА, на 14 месяцаў больш, чым трэба»
22.08.2023
Блогерка Алена Янушкоўская пра продаж уладамі яе хаты: Маёмасць ацанілі нашмат ніжэй за рынкавы кошт
16.05.2024
