Журналісту Алесю Асіпцову — 10 сутак арышту. Ён трымае галадоўку. Аляксандру Буракову — 10 сутак

Хоць учора падчас слухання справы Аляксандр Буракоў пераканаўча даводзіў суду, што прысутнічаў там у якасці журналіста і праваабаронцы, то бок выконваў свае прафесійныя абавязкі.

Журналіста прызналі вінаватым на падставе адміністрацыйнага пратакола, складзенага Ленінскім райаддзелам міліцыі Магілёва паводле ч. 1 арт. 23.34  (“Парушэнне парадку арганізацыі альбо правядзення масавых мерапрыемстваў”).

Адразу пасля агалошвання суддзёй пастановы Буракоў у зале суда напісаў касацыйную скаргу ў Магілёўскі абласны суд. Тым часам у калідоры суда яго ўжо чакалі супрацоўнікі міліцыі, каб адвезлі ў ізалятар адбываць пакаранне.

У 9.30 у Кастрычніцкім райсудзе Магілёва пачаўся разгляд справы магілёўскага журналіста, карэспандэнта інфармацыйнага агенцтва БелаПАН Алеся Асіпцова. Справу разглядала суддзя Наталля Ясенка.

Алесь знік 9 мая ў Бабруйску пасля акцыі аўтамабілістаў “Антыпарад”. Пазней высветлілася, што яго затрымалі і даставілі ў Магілёў у ізалятар часовага ўтрымання (ІЧУ).

У судзе стала вядома, што адміністрацыйную справу ў дачыненні Алеся Асіпцова распачалі нібыта за ўдзел у несанкцыянаваным масавым мерапрыемстве — у сустрэчы каманды блогераў “Краіна для жыцця” са сваімі падпісчыкамі ў Магілёве 5 мая.

Алесь Асіпцоў тлумачыў суддзі, што прысутнічаў на месцы сустрэчы блогераў з падпісчыкамі ў якасці журналіста: назіраў за падзеямі і рабіў фотаздымкі для падрыхтоўкі публікацыі пра падзею. Адзначыў, што быў абазначаны адпаведным бэйджам, меў журналісцкае пасведчанне і заданне рэдакцыі. Сваю віну ў парушэнні заканадаўства журналіст не прызнаў.

Аргументы Асіпцова на рашэнне суддзі Наталлі Ясенка не паўлывалі, яна пастановіла пакараць журналіста 10 суткамі арышту згодна ч. 1 арт. 23.34 КаАП за ўдзел у несанкцыянаваным масавым мерапрыемстве.

Суддзя не пусціла ў свой кабінет на разгляд справы журналістаў, праваабаронцаў і людей, якія прыйшлі падтрымаць Асіпцова, спаслаўшыся на малое памяшканне і эпідэміялагічную сітуацыю. Толькі пасля перапынку іх запрасілі ў залу для агалошання пастановы рашэння суда.

Ад 9 мая — з моманту затрымання — Алесь Асіпцоў увесь час трымаў галадоўку. Пра гэта ён паведаміў калегам-журналістам, пасля таго, як яго даставілі ў суд Кастрычніцкага раёна.

Пасля вынясення судовага рашэння Алесь Асіпцоў заявіў, што працягне галадоўку да сканчэння тэрміну адбыцця пакарання. Журналіст адразу напісаў скаргу на рашэнне суда Кастрычніцкага раёна Магілёва ў Магілёўскі абласны суд.

Журналіст Алесь Асіпцоў знік пасля акцыі “Антыпарад” у суботу, 9 мая, і дадому не вярнуўся.

Як распавяла журналістка з Бабруйску Марына Маўчанава, з самай раніцы Алесь быў з ёй на сувязі, яны сазваніваліся і распавядалі адзін аднаму, што дзе ў горадзе адбываецца. У 12.38 Марына чарговы раз яму патэлефанавала. Асіпцоў распавёў, што сеў у машыну да ўдзельнікаў акцыі і яны разам недзе ездзяць па горадзе. А ўжо праз некаторы час калегі журналіста пачалі пісаць, што ён не выходзіць на сувязь.

Алесь Асіпцоў — пазаштатны карэспандэнт “БелаПАН”. Жыве ў Магілёве. У Бабруйск прыехаў асвятляць акцыю аўтамабілістаў “Антыпарад”, якая планавалася на Дзень перамогі. Падчас “Антыпараду” затрымалі каля 20 чалавек — удзельнікаў акцыі.

Паводле калегаў Асіпцова, і яны, і ягоная жонка тэлефанавалі ў бабруйскія УУС і РАУС, а таксама ў ДПС, там не далі ніякай дакладнай інфармацыі пра Алеся, а жонцы параілі пісаць заяву аб знікненні.Толькі каля 19 гадзіны вечара 9 мая жонцы журналіста афіцыйна паведамілі, што Алесь Асіпцоў сапраўды знаходзіцца ў ізалятары часовага ўтрымання ў Магілёве. Прычыну не патлумачылі.

Стартовал сбор средств для арестованных журналистов. Присоединяйтесь!

ГА «БАЖ» патрабуе вызваліць калег і перагледзець адміністрацыйныя справы. ЗАЯВА