Уладзімір Арлоў выказаўся ў падтрымку журналістаў па “справе БелТА”

— “Справа БелТА” мне, як літаратару, непазбежна прыводзіць на памяць раман Франца Кафкі “Працэс”. Своеасаблівым працягам гэтай аналогіі стала нядаўняе радаснае паведамленне БелТА пра дзень бясконцасці “8888” у валадаранні любімага прэзідэнта. Зноў звяртаючыся да літаратурных аналогій, згадваецца таксама раман Джорджа Оруэла “1984” з ягоным міністэрствам праўды.

Мы маем перад сабой брутальную спробу дзяржавы змагацца з тымі, хто супрацьстаіць падабенству гэтага міністэрства праўды ў выглядзе дзяржаўных сродкаў масавай інфармацыі. Якія даўно ўжо ператварыліся ў сродкі масавай прапаганды.

Але за вокнамі ўсё ж не 1984-ты, а 2018-ты, — кажа ў сваім звароце Уладзімір Арлоў.

Раней у падтрымку незалежных журналістаў, якім выставілі крымінальныя абвінавачанні, выступіла лаўрэат Нобелеўскай прэміі Святлана Алексіевіч.

7–9 жніўня ў рэдакцыях TUT.BY, інфармагенцтва БелаПАН, іншых СМІ, а таксама ў кватэрах журналістаў прайшлі вобшукі.

Былі затрыманыя галоўны рэдактар TUT.BY Марына Золатава, рэдактары партала: Ганна Калтыгіна,Галіна Уласік і Ганна Ярмачонак, галоўны рэдактар БелаПАН Ірына Леўшына і міжнародны аглядальнік БелаПАН Таццяна Каравянкова, уласны карэспандэнт Deutsche Welle Паўлюк Быкоўскі, рэдактар сайта газеты “Белорусы и рынок” Аляксей Жукаў.

Усе яны правялі некалькі сутак у ізалятары часовага ўтрымання. Пасля вызвалення большасці падазраваных быў забаронены выезд з краіны.

Следчы камітэт падазрае журналістаў у тым, што яны ажыццяўлялі несанкцыянаваны доступ да камп’ютарнай інфармацыі дзяржаўнага інфармагенцтва БелТА. Незалежныя аналітыкі перакананыя: “справа БелТА” — спроба ўладаў запалохаць і ўзяць пад кантроль галоўныя недзяржаўныя інтэрнэт-медыя. Журналістам пагражаюць штрафы і нават турэмныя тэрміны.

Главному редактору портала TUT.BY Марине Золотовой предъявили обвинение по «делу БелТА»

Як людзі па ўсёй краіне стаялі за журналістаў

«Репортеры без границ» призывают международных партнеров официального Минска отреагировать на волну преследований журналистов в Беларуси

Кампанія ў абарону журналістаў! Далучайся!